Canllaw Llyfrau Gwych 2025-26: Ar gyfer plant 8 i 9 oed

Canllaw eang ar yr holl ffyrdd y mae pryfed yn helpu i reoli ein hamgylchedd a’r swyddogaethau y maen nhw’n eu cyflawni yn y byd naturiol.

Canllaw difyr a doniol i astroffiseg, sy’n canolbwyntio ar rai o elfennau mwy anhygoel y gofod.

Nofel luniau ddoniol dros ben am anturiaethau Shirley ar ôl iddi gwympo i lawr twll caead. 

Ym mynyddoedd gaeafol Himalaia, mae Anya a Mahi yn cael eu hysgubo i ffwrdd gan y dduwies Ganga ar daith i ailgysylltu â’u hanifeiliaid ysbrydol ac i ledaenu cân o iachâd naturiol ar draws y byd.

Mae rheolwr y nefoedd yn herio pob anifail i ras fawr, â’r 12 cyflymaf yn cael eu hanfarwoli yn y sidydd Tsieineaidd. Ymunwch â Ming y llwynog a Miaow y gath wrth iddyn nhw frwydro i ennill y ras!

Mae Pia wedi breuddwydio erioed am fod yn berchen ar ei hanifail anwes ei hun. I brofi ei gallu, mae’n mynd ar ymgyrch i hyfforddi ci bach newydd ei ffrind ac yn ffurfio clwb anifeiliaid anwes lleol o ffrindiau newydd a pherchnogion anifeiliaid anwes. 

Mae Jakub yn gofalu am ei fam fel rheol – ac mae bellach yn gofalu am ddyfrgi sydd wedi anafu. Stori addfwyn a chymhellol. 

Atgyfnerthwch eich ymennydd gyda ffaith anhygoel ar gyfer pob diwrnod o’r flwyddyn. Yn cynnwys lluniau difyr a gwybodaeth ddiddorol, mae hwn wir yn destun ffeithiol difyr.

A all Silver ddod o hyd i’r lleidr oriorau – a sicrhau Yana fel ei ffrind gorau newydd am byth? Antur ddoniol ag arwres anarferol a hoffus. 

Hanes calonogol Hardit Sing Malik, Indiad Prydeinig, a frwydrodd am yr hawl i allu amddiffyn Prydain yn y Rhyfel Byd Cyntaf.

Mae bywyd tawel Toby yn cael ei droi wyneb i waered pan fo’n darganfod teyrnas hud yn ei ardd ac yn cael ei goroni’n Frenin y Coblynnod. Mae’r nofel luniau hynod ddoniol hon yn gwbl wallgof ac yn eithriadol o ddifyr. 

Mae’r llyfr hwn sydd wedi’i ddylunio’n hyfryd yn dathlu amrywiaeth Asia, â gwybodaeth drylwyr am gyfandir mwyaf a mwyaf poblog y byd.

Mae’r antur ffantasi wirion iawn ond gwbl hudolus hon yn llawn cymeriadau annhebygol a throeon plot anhygoel, ond mae hefyd yn cynnwys neges o dan yr wyneb am oferedd rhyfel a darganfod empathi.

Pan fydd cawr marw yn syrthio o’r awyr ac yn chwalu eu pentref, mae dwy wrach dan hyfforddiant yn cael ei hunain yn rhan o’r gwaith o chwilio am lofrudd mewn tir lle gallai’r rhai sydd dan amheuaeth eu sathru gyda dim ond cam.

A wnaiff y Cheat Book wir addysgu Kamal sut i fod yn cŵl? Stori ddoniol sy’n llawn lluniau am fachgen sy’n wynebu llawer o broblemau cyffredin yn yr ysgol. 

Mae Lulu y mochyn daear yn cael hyfforddiant arbenigol, cyn mynd ar genhadaeth hynod gyfrinachol i sicrhau heddwch yn y byd, yn y llyfr penodau wedi’i ddarlunio doniol iawn hwn. 

Mae’r llyfr swynol hwn yn ein hatgoffa bod gennym ni fel pobl lawer o bethau yn gyffredin ag anifeiliaid; mae gennym ni lawer mwy yn gyffredin nag sydd gennym ni’n ein gwahanu.

Mae’r llyfr penodau wedi’i ddarlunio doniol hwn yn cyflwyno’r ffrindiau gorau Mina, Reema a Mobeen. Maen nhw’n llawn cyffro am eu taith wersylla gyda’r ysgol ond yn crynu yn eu hesgidiau pan fyddan nhw’n clywed sibrydion am Bertie Blackteeth, ffigwr annaearol sy’n crwydro’r goedwig yn chwilio am ei ysglyfaeth nesaf… 

A all Hiccup a Toothless achub y Bog-Burglars? Hwyl fyrlymus â llawer o luniau. 

Antur ffuglen wyddonol syfrdanol sy’n wallgof ond clyfar ac yn ddigon doniol i’ch gwneud chi chwerthin yn uchel o’r dudalen gyntaf un. 

Casgliad llon o gerddi a fydd yn gwneud i blant ifanc chwerthin. 

Mae’r gwyddonydd ifanc yn dyfeisio creadur bwyta plastig o’r enw Chomp i ddatrys y broblem o wastraff plastig – ond yn fuan mae Chomp yn achosi anhrefn. Mae’r nofel luniau ffuglen wyddonol fywiog hon yn llawn hiwmor a gwaith celf lliwgar a graenus. 

A all Z – nad yw byth yn siarad yn yr ysgol, rhag ofn iddo odli yn awtomatig – ennill y Royal Rap Rumble? Mae hwn yn ddifyr ac yn rhyngweithiol, a hyd yn oed yn dangos i chi sut i ysgrifennu eich rap eich hun.

Mewn tref sy’n llawn pobl â phwerau, a wnaiff Sara fyth ddod o hyd i’w huwch-bŵer? Gallai datrys dirgelwch y tlws pêl-droed a ladratwyd helpu. Y cyntaf mewn cyfres ddoniol iawn i ddarllenwyr iau. 

Mae brawd maeth newydd Ferris yn gorwynt o anhrefn, ond pan fydd yr ysgol yn cael ei chau, a all y brodyr maeth gydweithio? Doniol a theimladwy, ac yn llawn comics a chartŵns.