The Cheat Book

Am y llyfr hwn

Mae Kamal fel arfer yn diflannu i’r cyrion yn yr ysgol, ond pan fydd yn cael ei alw’n Puke Boy ar ôl digwyddiad yn y gwasanaeth, mae’n rhaid i bethau newid. 

Mae’n dod o hyd i lyfr rhyfedd yn y llyfrgell sy’n addo poblogrwydd iddo – ac mae’n dilyn ei gyngor. Yn fuan, mae ganddo obsesiwn â’i ‘sgôr Popstock’ a sut i dwyllo ei ffordd i fod yn gapten yr ysgol. Efallai y gwnaiff hyd yn oed eistedd ar fwrdd y criw cŵl! 

Ond a yw’r cwbl yn werth cefnu ar ei ffrindiau o’i herwydd? Mae’r stori gyntaf hon gan y cartwnydd Ramzee yn llawn lluniau gwych a hiwmor. Ffoadur yw Kamal, sydd wedi arfer â chadw’i ben yn isel, ond mae’n hawdd uniaethu â’i drafferthion beunyddiol i osgoi’r bwlis, yn ceisio bod yn cŵl, ac yn cael ei blagio gan ei chwiorydd. 

Mae ganddo angel a diafol yn gwneud sylwadau ar ei benderfyniadau – fel y Quran – a cheir cyfeiriad braf at yr obsesiwn o gael ‘sgôr’ ar gyfryngau cymdeithasol sy’n treiddio bywyd cyfoes. Defnyddir cyffyrddiad ysgafn i ran ymdrin â’r neges am fod yn driw i chi’ch hun a’ch ffrindiau, a pheidio â phoeni am fod yn cŵl, ac felly hefyd hud y Cheat Book. Difyr.