Respect the Insect: Meet the bugs who clean, tend and feed the world

Am y llyfr hwn

Mae gan bryfed enw drwg, ond er efallai ein bod ni’n eu hofni nhw braidd, maen nhw’n gwneud llawer o bethau cynorthwyol i ni, gan gadw pridd yn iach ac afonydd yn lân – heb sôn am fwyta LLAWER o bŵ. 

Wedi’i gyflwyno mewn pum pennod, mae’r canllaw ardderchog hwn ar bopeth yn ymwneud â phryfed yn tywys y darllenydd trwy gategorïau o greaduriaid bychan â gwahanol nodweddion.

Ceir pryfed sy’n glanhau, fel chwilen y dom a gwyfyn dillad; pryfed sy’n gysylltiedig â bwyd, fel pryfed ffigys a gwenyn mêl; pryfed sy’n helpu i reoli ecosystemau, fel termitiaid a chylion Mai; pryfed sy’n ysbrydoli arloesedd ym myd gwyddoniaeth, löyn y llaethlys i’r pryf ffrwythau; a phryfed sydd wedi ysbrydoli datblygiadau mewn diwylliant dynol, o wenynen y derw (roedd diwylliannau hynafol yn defnyddio ei inc) i bryfed sidan, sy’n cynhyrchu un o’r deunyddiau harddaf ar gyfer dillad. 

Ar ddiwedd y llyfr, ceir awgrymiadau i ddarllenwyr ifanc hefyd o ffyrdd hygyrch y gallwn helpu pryfed i’n helpu ni drwy eu gwarchod – mae plannu blodau a defnyddio ap adnabod pryfed ymhlith yr awgrymiadau. 

Mae hwn yn llyfr lliwgar a deniadol y bydd darllenwyr yng nghanol eu cyfnod yn yr ysgol gynradd wrth eu boddau ag ef. Ceir llawer am berthnasedd pryfed i’n bywydau beunyddiol, a phwyslais amgylcheddol sy’n cadw’r llyfr yn gyfredol ac yn berthnasol. Nid yw lefel y testun yn rhy ddatblygedig, ond mae’n rhoi digon o fanylion i’r darllenwyr allu deall y prosesau sydd weithiau’n gymhleth y mae pryfed yn eu cyfrannu at ein byd naturiol.