We Are All Animals: Discover what you have in common with a cat, a bat, a jellyfish and 150 other animals!

Am y llyfr hwn

Mae cyrff pobl ac anifeiliaid wedi’u hadeiladu yn yr un ffordd i raddau helaeth, a cheir llawer iawn o agweddau tebyg rhyngddynt. Er enghraifft, rydym ni i gyd angen ocsigen, bwyd a dŵr i oroesi; rydym ni i gyd yn creu gwastraff; mae’r rhan fwyaf o’n cyrff ar ffurf tiwbiau yn y bôn; ac mae ein celloedd a’n meinweoedd mor debyg ei bod yn anodd dweud pa rai sy’n perthyn i bwy mewn llawer o achosion. 

Er enghraifft, mae pobl yn cyfathrebu gyda lleferydd yn bennaf, ond a wyddech chi fod crocodeiliaid bach yn galw i’w rhieni o’r tu mewn i’w hwyau i roi gwybod iddyn nhw eu bod nhw ar fin deor? Neu y gall cŵn, ceffylau, defaid a physgod gymryd yr un gwrthfiotigau y mae pobl yn eu defnyddio? 

Yn ogystal â’r corfforol, mae’r llyfr swynol hwn yn ein hatgoffa bod gennym ni fel pobl lawer o bethau eraill yn gyffredin ag anifeiliaid: rydym ni i gyd yn cyfathrebu, rydym ni i gyd angen cwsg, rydym ni i gyd yn mynd yn sâl, ac rydym ni i gyd angen rhywle i fyw. Mae gennym ni lawer mwy yn gyffredin - fel y mae’r milfeddyg enwog Noel Fitzpatrick yn ei ddweud yn ei gyflwyniad i’r llyfr - nag sydd gennym ni’n ein gwahanu. 

O ran lefel, mae hwn yn addas ar gyfer plant oedran cynradd canolig i uwch yn ddelfrydol gan fod testun mwy soffistigedig â geirfa heriol aml. Fodd bynnag, mae’r cynllun a’r dyluniad yn eglur ac yn lliwgar, â chyfuniad o ffotograffiaeth a darluniadau o arddull graffeg.