Blue Jelly and Strawberries: Poems to Tickle Your Tastebuds

Am y llyfr hwn

A ydych chi erioed wedi dod o hyd i goeden doesenni? A ydych chi wedi tyfu ffa hud? A fyddech chi’n mwytho swricat? A fyddech chi’n gwneud dymuniad o weld pluen eira? 

Mae’r casgliad hwn o gerddi yn llawn senarios hynod, neidiau dychmygus, a chwarae ar eiriau doniol. Mae Attie Lime yn eu cyfleu i gyd yn berffaith ar gyfer plant ifanc trwy gynnwys cerddi am bethau cyfarwydd fel coflaid gan mam neu olygfa ystafell ddosbarth, neu pa mor wych yw esgidiau glaw. 

Ac yna ceir cerddi am bethau dwl neu ryfedd, fel cawr a swricat a rhywun sy’n gwisgo eu dillad i gyd ar unwaith. Bydd pob un o’r rhain yn gwneud i blant wenu, a cheir llawer o hiwmor yma, o ran senario ac yn y chwarae ar eiriau. 

Mae llawer o’r cerddi yn odli, ond nid pob un ohonyn nhw. Ceir gwahanol ffurfiau barddonol yma hefyd - acrosteg, cerddi siâp, cerdd nonsens, ac yn y blaen. 

Byddai’r rhain yn hyfryd i’w darllen ar lafar i ddosbarth. Llawer o hwyl.