Toby and the Pixies: Worst King Ever

Am y llyfr hwn

Mae Toby Cauldwell yn fachgen cyffredin sy’n byw mewn tref gyffredin ac yn mynd i ysgol gyffredin, lle mae ganddo’r brif nod o beidio â chael ei sylwi. Fodd bynnag, mae ei fywyd tawel yn cael ei droi wyneb i waered pan fo’n darganfod teyrnas hud wedi’i chuddio yn isdyfiant ei ardd gefn. 

Mae Toby wedi’i syfrdanu pan fydd yn cael ei goroni’n Frenin y Coblynnod ar ôl lladd yr arweinydd blaenorol yn anfwriadol gyda chorrach gardd. Er gwaethaf ei brotestiadau, mae cynghorwyr ffyddlon hunan-benodedig Toby – y coblynnod Gatherwool, Mouldwarp a Toadflax – yn ei ‘helpu’ i gyflawni ei ddyletswyddau brenhinol newydd ac yn ei ddilyn i bobman, hyd yn oed i’r ysgol. Yn benderfynol o guddio’r coblynnod oddi wrth gyd-ddisgyblion, mae Toby yn llunio straeon cynyddol gymhleth i esbonio eu castiau cythryblus. 

Gyda chymeriadau hynod a phlot gwallgof, mae’r antur fyrlymus hon yn hwyl anhrefnus o’r dechrau tan y diwedd. Daw pleser y llyfr o’r fformat nofel luniau, lle mae’r direidi doniol yn dod yn fyw trwy stribedi cartŵn o liwiau bywiog, sy’n ychwanegu cyflymder a hiwmor at y stori. Gall egin arlunwyr ddysgu i dynnu llun rhai o’r cymeriadau allweddol trwy ddilyn cyfarwyddiadau cam wrth gam ar ddiwedd y llyfr.