Hardit Singh Malik: World War One Flying Ace

Am y llyfr hwn

Pan fo Hardit Singh Malik yn tyfu i fyny yn Rawalpindi yn Punjab, India - a fyddai, ar ôl yr Ail Ryfel Byd, yn dod yn rhan o Bacistan - does ganddo ddim syniad o’r bywyd sy’n ei ddisgwyl.  

Pan fydd yn symud i Loegr i fynd i’r ysgol, mae Hardit yn cael sioc ddiwylliannol: mae bywyd yn Lloegr yn wahanol iawn i Rawalpindi, ac nid yw pobl Brydeinig mor groesawgar â hynny tuag ato, er ei fod yn ddeiliad Prydeinig - yn enwedig yn ei ysgol, lle disgwylir iddo weddïo mewn capel Cristnogol, er nad dyna ei grefydd. 

Ac eto, pan fydd y rhyfel yn dechrau ym 1914, mae Hardit yn astudio ym Mhrifysgol Rhydychen a gofynnwyd iddo chwarae criced i dîm Criced Swydd Sussex. Mae popeth yn newid dros nos, ac mae Hardit eisiau chwarae ei ran. Ond, fel Indiad, ni chaniateir iddo listio yn y lluoedd arfog. Yn hytrach, mae’n ymuno â Chroes Goch Ffrainc fel gyrrwr ambiwlans, ac yna, o’r diwedd, Corfflu Awyr Brenhinol Prydain. 

Mae’r llyfr ardderchog hwn yn ymuno â chyfres Voices gan Scholastic, sy’n cyflwyno cyfres o anturiaethau gafaelgar sy’n adlewyrchu straeon dilys ac anhysbys lleisiau o hanes sydd wedi’u tangynrychioli. Mae hanes Hardit yn un o ddewrder, dyfalbarhad a chryfder cymeriad, wedi’i adrodd yn arbenigol gan Bali Rai, meistr o storïwr.