Badgers Are Go!

Am y llyfr hwn

Mochyn daear ifanc sydd wrth ei bodd yn prancio o gwmpas llennyrch coediog, yn gwrando ar drydar yr adar ac yn synfyfyrio yw Lulu Whifferton-Rear. Felly mae’n cael ei synnu pan fo’n cael ei galw i Academi Moch Daear Rumpington i gael hyfforddiant arbenigol, cyn mynd ar genhadaeth hynod gyfrinachol i sicrhau heddwch yn y byd. 

Pan fo Lulu yn ymbresenoli ar gyfer dyletswydd, mae’n poeni nad yw fel y moch daear eraill, sydd i gyd yn arbennig o frwd, effeithlon a galluog. Serch hynny, mae’n benderfynol o wneud ei gorau. Mae’n darganfod, ers blynyddoedd lawer, bod moch daear wedi treiddio’r byd dynol ar ffurf Pobl a Weithredir gan Foch Daear, neu BOPs, er mwyn osgoi diffyg gallu dynol a chyflawni pethau. 

Mae’r genhadaeth benodol hon yn cynnwys rhoi’r BOP Prif Weinidog Prydain ar waith, y mae’n rhaid iddo berswadio holl arweinwyr y byd i lofnodi datganiad byd-eang o heddwch. Fodd bynnag, nid yw pawb eisiau terfyn ar ryfel, ac mae asiant dwbl drygionus yn bwriadu defnyddio Lulu heb yn wybod iddi i danseilio’r cytundeb heddwch. 

A all Lulu oresgyn ei hofnau a defnyddio ei dychymyg, ei dyfalbarhad a’i dewrder i achub y dydd? Yn orlawn â dyfeisiau dychmygus, gweithrediadau cudd cyffrous a chymeriadau difyr, mae’r llyfr penodau doniol iawn hwn yn cynnwys darluniadau du a gwyn bywiog, sy’n ychwanegu at yr hwyl.