The Adventures of Rap Kid

Am y llyfr hwn

Dewch i gyfarfod â Z. Nid yw Z byth yn siarad yn yr ysgol, oherwydd pan fydd yn siarad, mae’n odli’n awtomatig.

Mae hyn yn golygu ei fod yn aml yn cael ei fwlio - neu’n cael i drafferthion am beidio â siarad. Ond mae’n gwybod y gall fod y rapiwr gorau erioed, a gyda’r Royal Rap Rumble yn dod i’r dref i ddarganfod yr arwr rap nesaf, mae ganddo gyfle i ddangos ei fariau i bawb.

A gyda’i ffrind newydd SFX wrth ei ochr, yn gwneud bît-bocsio anhygoel, sut allan nhw golli? Wel, yn gyntaf bydd yn rhaid i Z siarad yn gyhoeddus... a sefyll a brwydro yn hytrach na chuddio. A all e ei wneud? 

Trwy’r stori gyfan, mae Z yn siarad â’r darllenydd yn uniongyrchol. Ceir elfen gref, ddifyr o ryngweithio, lle’r ydych chithau hefyd yn ysgrifennu eich gwrthrych lwcus i lawr, y pethau y mae eich mam yn eu dweud, a hyd yn oed yn rhoi tic mewn blwch i ddweud wrth Z beth i’w wneud nesaf.

Mae’n llawn nodiadau ar yr ymylon, rhestrau, jôcs, gwahanol senarios - fel y mae Z ei hun yn ei ddweud, mae ei ymennydd yn bownsio o gwmpas llawer. Ceir canllaw ar sut i ysgrifennu eich rap eich hun, geirfa o dermau rap, a chynhyrchydd enw rap, ac mae’r rhestr o enwau penodau yn creu rap hefyd. Llawer o hwyl!