Canllaw Llyfrau Gwych 2026-27: llyfrau o Gymru

Cyfle i ddarllen am ddiwrnod prysur ym mywyd Bwci Bo, o amser brecwast hyd at amser gwely. Llyfr lliwgar, hwylog sydd yn cefnogi dealltwriaeth plant ifanc o drefn ac amser. 

Sgrialwch, nofiwch, siglwch ac ysgwydwch yn y stori odli hyfryd hon sydd wedi’i lleoli ar lan y môr a fydd yn gwneud i blant ddarllen ac ymuno yn y symudiadau! 

Stori annwyl am Cyw Bach sy’n dechrau ffeindio’i ffordd yn y byd ar ôl gadael y cwt ieir am y tro cyntaf.

Hyd yn oed ar ôl diwrnod prysur yn garddio dydy Jac Do methu cysgu. Mae ei ffrind gorau Sali Mali yn trio popeth i help ei ffrind ond does dim byd yn gweithio. O’r diwedd mae hi’n meddwl am ddatrysiad anarferol i’r broblem sydd yn helpu ei ffrind. Stori berffaith i ddarllen cyn gwely. 

Mae’r Dylan Thomas ifanc wrth ei fodd ag Abertawe, lle mae’n byw – ​“tref glan môr” – lle mae yna barc, yn llawn arswydau a thrysorau, lle mae ef a’i ffrindiau yn chwarae. Dyma atgof hyfryd a hiraethus o blentyndod oes a fu, a’r ansawdd chwareus a diniwed a welir o hyd. 

Pan mae Rhewyn, corrach sydd methu dal nodyn, yn sylweddol faint bynnag bydd e’n ymarfer bydd e byth yn ddigon da i fod yn rhan o gôr y corrachod gyda ei ffrindiau, mae’n defnyddio ei greadigrwydd a dyfeisgarwch i ddod o hyd i ffordd wahanol o allu perfformio gyda’i ffrindiau yn sioe Nadolig Pegwn y Gogledd. Llyfr Nadolig llawn hwyl sydd yn wych I ddarllen ar goedd.

Dysgwch am fyd hudolus ceffylau môr a rhai o’r heriau sy’n eu hwynebu yn y llyfr ffeithiol hwn sy’n llawn darluniau arbennig. 

Pan mae holl ddefaid yr ardal yn dechrau diflannu mae 3 ffrind ifanc o gefn gwlad yn mynd ati i drio datrys y dirgelwch. Llyfr pennod gyda lluniau lliwgar i fachu diddordeb darllenwyr ifanc. 

Casgliad o farddoniaeth fywiog i blant ysgol gynradd, wedi’i ysbrydoli gan ddigwyddiadau bob dydd a’r byd naturiol, wedi’i ddarlunio’n hyfryd gan Chris Riddell. 

Llyfr sydd yn ffrwydro gyda ffeithiau ffantastig a chartwnau doniol bydd yn bachu diddordeb hyd yn oed y darllenydd lleiaf brwdfrydig.

Cipolwg cynhwysol ac amrywiol a rhai o uchafbwyntiau hanes Cymru, wedi cyflwyno mewn ffordd deinadol bydd plant yn mwynhau. Bydd y llyfr hwn yn agor y drws i hanes Cymru I ddarllenwyr ifanc. 

Llyfr sydd yn gadael i’r darllenydd dewis llwybr ei hun, wrth iddyn nhw ddod o hyd i’r allwedd sanctaidd ac achub teyrnas hudol Arfro.

Mae bachgen sydd yn casáu darllen yn dechrau ar antur hudol bydd yn newid ei fywyd am byth. Mae’n llwyddo i oresgyn yr holl heriau rhyfeddol sydd o’i flaen nes, yn y pendraw, mae’n sylweddoli mai’r gyfrinach i fynd adref yw derbyn gwir bwysigrwydd straeon a darllen.

Wedi’i hysbrydoli gan chwedlau Celtaidd a straeon Cymraeg, mae’r stori wych hon am fywyd, marwolaeth, tynged eneidiau dynol a’r dewrder i gofleidio eich tynged, hyd yn oed os yw’n eich dychryn, yn llawn cymeriadau cofiadwy. 

Mae Newt Hawkin ar ben ei ddigon i fod yn chwarae gemau cyfrifiadurol fel rhan o Sgwad Datblygu Ieuenctid Holomonster. Ond pan mae’n ymddangos bod yr hologramau o angenfilod ychydig yn rhy real, mae Newt a’i ffrindiau newydd yn ymchwilio i’r hyn sy’n digwydd go iawn. Antur gyfareddol llawn cyffro. 

Pan mae carwr pêl-droed, Mali yn rhedeg i ffwrdd achos dydy hi ddim yn teimlo fel ei bod hi’n ffitio mewn, mae hi’n darganfod bod gan bawb eu cyfrinachau a’r unig ffordd adref yw bod yn ti dy hun.