111 Ffaith Ffantastig

Am y llyfr hwn

O bytiau bachog am anifeiliaid i ffeithiau ffantastig am adeiladau anhygoel, mae’r llyfr hwn yn ffrwydro gyda ffeithiau rhyfeddol, hawdd i’w darllen bydd plant yn mwynhau pori drosodd a throsodd. Mae gosodiad y llyfr mewn i benodau byr gyda theitlau fel ‘Ych-a-Fi’, ‘Esgyrn Syfrdanol’ ac ‘Adeiladau Arbennig’ yn dal sylw'r darllenydd ar unwaith a bydd hwn yn apelio at unrhyw ddarllenydd ifanc sydd ddim yn mwynhau llyfrau sy’n drwch gyda geiriau. Mae’r penodau yn gymysgedd o bytiau byr a chartwnau doniol, sydd yn helpu gyda dealltwriaeth o’r ffeithiau. Hefyd, mae swigod siarad wedi britho ar hyd y tudalennau sydd yn tynnu sylw, ac yn esbonio unrhyw eirfa anarferol sydd yn ymddangos yn y testun. Mae’r dewis gofalus o ffeithiau ‘ffantastig’ ynghyd â’r gosodiad hwylog yn creu llyfr llawn sbri bydd plant yn mwynhau bodio drwyddo dro ar ôl tro.