Quill and the Last Generation

Am y llyfr hwn

Mae hi wedi bod yn aeaf diddiwedd ers 12 mlynedd. Mae bwyd yn mynd yn brinach, mae bywyd yn mynd yn anoddach a does dim plant wedi’u geni yn ystod y cyfnod hwnnw. A does neb yn gwybod pam.  

Yna mae Quill, y plentyn olaf i gael ei eni, yn cael ymweliad gan ferch sy’n ymddangos ar ffurf cigfran ac mae popeth yn newid. Mae Quill yn ei dilyn i’r isfyd, gan ymgolli mewn teyrnas o hud, dreigiau ac eneidiau coll lle does dim cydbwysedd rhwng golau a thywyllwch mwyach a lle mae goleuni’r byd mewn perygl o gael ei ddiffodd am byth.    

Mae’r bobl yno yn meddwl mai Quill yw’r arwr a all eu hachub. Ond a all e’ oresgyn yr amheuaeth mae’n ei deimlo ac ymateb i’r her?  

Gan dynnu ar chwedlau Celtaidd a straeon Cymraeg, mae anturiaethau Quill yn gymysgedd gwych o elfennau dynol a goruwchnaturiol sy’n edrych ar y da a’r drwg, y gaeaf a’r haf sy’n dod â sefydlogrwydd i’r byd.  

Mae’r stori wych hon am fywyd, marwolaeth, tynged eneidiau dynol a’r dewrder i gofleidio eich tynged, hyd yn oed os yw’n eich dychryn, yn llawn cymeriadau cofiadwy. Mae’r plot yn gymhleth ond yn gydlynol gyda rhai golygfeydd dramatig o frwydrau a’r addewid o anturiaethau pellach i ddod.