Holomonsters

Am y llyfr hwn

Mae Newt Hawkin wedi gwirioni ar Holomonsters, gêm lle mae hologramau o greaduriaid ffantastig yn brwydro, gan ddefnyddio eu pwerau a’u sgiliau unigryw. Ar ôl ennill twrnamaint lleol, mae’n cael ei wahodd i bencadlys Holomonsters i brofi fersiwn uwch o’r gêm. Mae Newt a’i ffrindiau newydd yn gyffrous iawn ac wedi’u synnu gan y dechnoleg uwch – mae’r bwystfilod yn ymddangos mor real. Ond a allai rhywbeth mwy sinistr fod yn digwydd? Ac a all Newt ei stopio cyn i unrhyw beth peryglus ddigwydd?  

Mae’r antur hon yn llawn cyffro sy’n swyno’r darllenydd – gwefr, cystadleuaeth ffyrnig rhwng timau, a bwystfilod hollol ryfeddol. Mae’n rhoi teimlad cyfarwydd, braf i unrhyw un sydd wedi chwarae Digimon neu gyda chardiau Pokémon, ond gyda pherygl ychwanegol. Mae yna ddirgelwch wrth wraidd y peth – beth ddigwyddodd i fam Newt? – ac mae themâu bwlio, cyfeillgarwch a gwneud yr hyn sy’n iawn yn cael eu harchwilio mewn ffordd sensitif. I gwblhau’r pecyn apelgar, mae darluniau du a gwyn grymus drwyddi draw.