Mae Bob yn cuddio mewn bocs ac yn bod yn swnllyd iawn. Bob tro nad yw Bob yn cael ei ddal, mae’n dod o hyd i fwy a mwy o bethau gwirion i’w hychwanegu at ei focs. Llyfr gwych i’w ddarllen ar lafar.
Mae Andy y morgrugyn eisiau cael parti pen-blwydd bach. Ond, cyn hir, mae’r nythfa gyfan yn cyrraedd ei gartref! A all y morgrug weithio gyda’i gilydd pan fydd gwestai na wahoddwyd yn tarfu ar eu hwyl?
Nid Agnes y Shiwawa yw’r ci mwyaf yn y llyfr. Nid Magnus y dachsund na Popcorn y corhelgi yw’r mwyaf chwaith. Felly pwy yw’r ci mwyaf yn y llyfr? Â thestun ailadroddus yn ei wneud yn bleser i’w ddarllen ar lafar, mae hwn yn ddifyr iawn ac yn annwyl – hyd yn oed i’r rhai sy’n hoff o gathod!
Mae plentyn yn ymuno ag ysgol newydd ac yn cael taith wyllt gan ddisgybl hyderus iawn. Ar hyd y ffordd, mae’n sylweddoli nad tywysydd sydd ei angen arno ar hyn o bryd, ond ffrind.
Mae bachgen yn meddwl tybed pam na wnaiff ei gyd-ddisgybl newydd ymuno yn y chwarae ac yn edrych mor drist, ac yna’n darganfod y bu’n rhaid iddi ffoi ei chartref a phopeth y mae’n gyfarwydd ag ef. Llyfr wedi’i ddarlunio’n hyfryd sy’n dathlu bod yn groesawgar ac yn garedig.
Mae Gran yn anafu ei phen-glin wrth addysgu dosbarth dawnsio felly mae Kwesi yn coreograffu rhai symudiadau arbennig i’w rhoi yng nghanol pethau unwaith eto. Mae’r llyfr lluniau hwyliog hwn dathlu pleser dawns a’r berthynas gariadus rhwng nain a phlentyn.
Mae crëwr y llyfr lluniau hwn yn cynnig tynnu llun unrhyw beth y mae’r darllenydd ei eisiau ar y dudalen nesaf… cyn belled nad teigr yw e. Yn anffodus, os byddwch chi’n ceisio peidio â meddwl am deigrod, dyna’r cwbl sy’n dod i’ch meddwl. Mae’r stori ddoniol, liwgar a rhyngweithiol hon yn tynnu sylw at bwysigrwydd dyfalbarhad.
Mae Zahra yn casáu mynd am dro hir, felly pan fydd Uncle Jerome yn ei chodi o’r ysgol ac yn awgrymu eu bod yn dilyn y llwybr hir adref, mae ymhell o fod wrth ei bodd. Ond pan fydd adar yn troi’n bterodactyliaid, mae Zahra yn dechrau gweld bod y daith hon fel dim byd y mae erioed wedi cael profiad ohono o’r blaen. Llawer iawn o hwyl.
Mae Femi y dylwythen deg wrth ei bodd yn chwarae pêl-droed, ond nid yw ei hergydion bob amser yn cyrraedd y targed, sy’n aml yn ei chael i drafferthion. Llyfr lluniau swynol am ddilyn eich breuddwydion, â thestun sy’n odli a lluniau bywiog.
Mae plentyn ifanc yn symud i ardal newydd ac yn penderfynu adeiladu ei ffrind ei hun. Pan fydd plentyn arall yn helpu, mae’r pâr yn sylweddoli’n raddol eu bod wedi gwneud ffrind go iawn wedi’r cwbl.
Bydd y llyfr hwn yn cuddio oddi wrthych chi, ond gallwch ei helpu i ddod yn fwy hyderus trwy ateb ei gwestiynau a dod yn ffrind iddo. Llyfr creadigol a doniol iawn sy’n addysgu sgiliau cymdeithasol i ddarllenwyr.
Mae Rene yn agor caffi, ond cawr canibalaidd yw ei unig gwsmer! Trwy wneud i’w bwyd edrych fel ystlumod afiach a llygod caredig, mae’n dod yn boblogaidd ymhlith y trigolion lleol. Llyfr lluniau hynod ddoniol wedi’i ddarlunio’n wych.
Ymunwch â Stevie, gwlithen fwyaf blin y byd wrth iddo ddysgu am yr holl bethau sy’n gwneud gwlithod yn arbennig yn y llyfr lluniau doniol iawn hwn. Cymysgedd o naratif a ffeithiau â lluniau gwych.
Mae Don’t Trust Fish yn llyfr y mae’n rhaid i unrhyw un sy’n frwd am lyfrau lluniau doniol ei ddarllen. Mae pob tudalen yn eithriadol o ddoniol, a hefyd yn rhoi rhai ffeithiau gwirioneddol ddiddorol i’r darllenydd am bysgod.
