The Bear and the Hare and the Fair

Am y llyfr hwn

Mae Bear yn cysgu’n braf yn ei gadair felen gyfforddus, yn ei wâl ogofaidd, pan fo Hare yn penderfynu eu bod nhw eisiau mynd i’r ffair. 

Er i Bear fynegi ei ddiffyg diddordeb, mae Hare yn ei lusgo i’r ffair ac yn dechrau rhoi cynnig ar y gwahanol reidiau. Ond nid yw Bear yn hoff o’r rhai sigledig, y rhai troi a throelli, na’r ceir bach taro a chlatsio. Fodd bynnag, mae’r trên rola-bola yn ymddangos yn llawer mwy at ddant Bear… 

Yn y llyfr odli lliwgar a difyr hwn, mae Em Lynas yn defnyddio techneg ailadrodd seiniau - bear/lair/hare/dare, ac ati - yn ogystal â berfau odli difyr - bump/thump/bash/smash - i gynorthwyo caffaeliad a dealltwriaeth plant ifanc o iaith. 

Mae’r holl iaith a ddefnyddir yn hwyl i’w darllen ac i wrando arni, â llawer o eiriau ebychiad wedi’u hychwanegu hefyd - whoosh, wooo, wheee, aargh and eek! - sy’n rhoi llawer o gyfleoedd i’r oedolyn sy’n darllen ar lafar wneud synau gwirion y gall y plentyn eu copïo ac ymuno â nhw. 

Mae’r holl nodweddion clyfar hyn - yn ogystal â lluniau lliwgar a gwallgof Matt Hunt o’r cymeriadau - yn creu llyfr hyfryd am gyfeillgarwch, rhoi cynnig ar rywbeth newydd, a mynd allan o’ch sefyllfaoedd cysurus.