Jenny Peckles Lays Eggs With Speckles

Am y llyfr hwn

I lawr ar Fferm Hen Worrall, mae grŵp o ieir ag enwau llawn dychymyg yn dodwy wyau â gwahaniaeth. Wyau brith, wyau â strempiau coch, wyau sy’n tywynnu, wyau â brychau, a hyd yn oed wyau disglair. Mae’r cwbl yn drawiadol iawn. 

Pan ddaw i’r amlwg nad yw Sally McSquawk wir yn dodwy wyau sy’n siarad, mae adroddwr y llyfr yn amheus. A yw’r holl ieir wedi bod yn esgus am eu gwahanol greadigaethau cyffrous, dim ond i greu odl gyfleus? Ond pan fydd hebog yn cael ei weld uwchben y fferm, mae’r ieir yn dod at ei gilydd mewn arddangosiad trawiadol o ddyfeisgarwch sy’n profi ei bod hi’n well meddwl ddwywaith cyn pigo ar iâr… 

Mae’r llyfr odli hyfryd, dwl, dyfeisgar hwn am grŵp o ieir clyfar yn llawer o hwyl, â llawer o luniau gwych gan Paul Delaney a hyd yn oed tudalen hyfryd yng nghefn y llyfr yn dangos lluniau o’r awdur Rachel Emily gyda’r iâr go iawn, Jenny Peckles. Mae’r odlau yn wirion ac yn rholio’n berffaith oddi ar y tafod ac, yn yr un modd â phob llyfr luniau sy’n odli, yn helpu plant i arfer â gwrando ar rythmau iaith mewn cyd-destun difyr.