Dig Dig Dinosaur

Am y llyfr hwn

Mae tri o blant yn cychwyn ar daith i wlad bell. Maen nhw’n pacio’r holl declynnau angenrheidiol: trywel, morthwyl, llyfr nodiadau, pensil, map, ac i ffwrdd â nhw!

Pan fyddan nhw’n dechrau cloddio, mae’r plant yn dod o hyd i ffosilau anhygoel: Felosiraptor, Trichorn, Tyranosor a hyd yn oed Diplodocws ENFAWR! Anhygoel!

Mae’r llyfr lluniau difyr hwn yn gyflwyniad gwych i ddeinosoriaid, gan gynnwys tyllau cipolwg ac adran plygu allan fawr hyfryd ar ddiwedd y llyfr.

Ar ôl datgelu sgerbwd pob deinosor, wedi’u trefnu yn nhrefn eu maint, ceir taenfa ddwbl ddilynol yn dangos sut roedd y deinosor yn edrych (â rhywfaint o ddefnydd creadigol o liw) a rhai ffeithiau sylfaenol am bob un - er enghraifft, roedd gan y Trichorn big fel aderyn a ffril mawr o amgylch ei ben, ac roedd gan y Felosiraptor ddannedd miniog, plu gwlanog a chrafangau crynion ar ei goesau cefn.

Perffaith ar gyfer rhai ifanc sy’n frwd am ddeinosoriaid a chyflwyniad cynnar iawn i’r syniad o ffosilau ac archaeoleg.