Oh No, Flo!

Am y llyfr hwn

Mae Farmer yn brysur iawn yn gweithio drwy’r dydd, a’r darn olaf (pwysicaf) o waith yw cosi bol Flo y ci defaid. Felly pan fo Farmer yn sâl un diwrnod, mae Flo yn penderfynu helpu trwy wneud y gwaith i gyd. 

Mae’r anifeiliaid yn dweud wrthi beth sydd angen ei wneud, ac ymhen dim mae Flo yn casglu’r gwyddau ac yn bwydo’r wyau’n hyderus. Yna, mae’n brwsio moron ac yn hau defaid. O na, Flo! Mae wedi drysu braidd...Mae’r llyfr lluniau hyfryd hwn yn llawn camddealltwriaethau dwl a ddylai arwain at blant yn bloeddio’r gytgan: ‘O na, Flo!’ 

Mae bob amser yn hwyl pan fo’r plentyn sy’n darllen yn gwybod rhywbeth nad yw’r cymeriad yn ei wybod, a cheir llawer o gyfleoedd i dynnu sylw at yr hyn y mae wedi ei wneud o’i le. Mae’r lluniau lliwgar a chyfeillgar yn llawn cymeriad - nid yw cynifer o anifeiliaid fferm erioed wedi edrych mor ofidus! Hefyd, mae cath ffroenuchel i’w darganfod ar bob taeniad (nad yw mor drwynsur erbyn y diwedd...). Â llawer o gyfleoedd i ymuno yn y gytgan ailadroddus, mae hwn yn lanast buarth doniol iawn.