The Girl at the Front of the Class

Am y llyfr hwn

Llyfr lluniau yw hwn sydd wedi’i ysgrifennu o safbwynt Adam, bachgen caredig tua 5 neu 6 oed sy’n cael cyd-ddisgybl newydd. Mae’n ymddangos mor drist ac nid yw byth yn ymuno yn y chwarae. Mae’r bachgen yn sylwi bod ei lluniau yn edrych yn frawychus a bod merch yn crio ym mhob llun. 

Nid oes neb wedi dweud unrhyw beth wrtho am y ferch, felly mae’n gwneud rhywfaint o holi ymhlith yr oedolion, gan gynnwys ei athro a’i rieni, ac yn darganfod bod y ferch yn drist oherwydd y bu’n rhaid iddi adael ei chartref, ei theulu, ei ffrindiau a phopeth yr oedd hi’n berchen arno ar ei hôl mewn gwlad arall. Felly mae’r bachgen yn cael syniad o lunio stori newyddion yn arbennig ar gyfer y ferch, Layla, lle maen nhw’n ffrindiau. 

Mae’n stori hyfryd o garedigrwydd a chroesawu; ac yn y cefn ceir pum syniad ymarferol ar sut i groesawu plant sy’n ffoaduriaid, gan gynnwys dysgu sut i ynganu eu henwau, gwenu a dweud helo bob dydd. Ni chyfeirir at ryfel a thrais yn uniongyrchol ond gallai’r llyfr sbarduno cwestiynau am y rhain a pham y gallai fod angen i blant ffoi. Dylai’r llyfr hwn fod yn llyfrgell pob ysgol a byddai’n wych i’w ddarllen ar lafar yn ystod amser stori’r dosbarth derbyn neu flwyddyn un. Dyma’r llyfr lluniau cyfatebol i lyfr gradd ganol enwog Onjali Q Raúf, The Boy at the Back of the Class y gallai plant hŷn symud ymlaen iddo.