Hank Goes Honk

Am y llyfr hwn

Dyma Hank yr ŵydd. Mae’n dda iawn am - HONC! - dorri ar draws brawddegau - HONC! - ac am becian pethau. Mae’n clegar yn ystod ffilmiau ac mae’n clegar am ei hun drwy’r amser. HONC! A hefyd, mae’n dwyn ceirios o deisennau cwpan. Nid yw’n braf bod gyda Hank. Felly mae’n ceisio newid ei ffordd. Ond beth sy’n digwydd pan fydd yn gweld balŵn enfawr, deniadol iawn i’w ffrwydro? 

Mae hwn yn llyfr lluniau doniol iawn a fydd yn denu plant i ymuno yn yr holl glegar, felly nid yw’n llyfr amser gwely clyd! Ond mae yn llawer o hwyl, ac mae’r adroddwr yn siarad yn uniongyrchol â Hank yr ŵydd tua’r diwedd, sy’n rhoi’r teimlad o blentyn ystyfnig iddo. Gallai plentyn sy’n gwrando ar hyn hyd yn oed ateb ar ei ran, yn ogystal â chlegar, a allai wneud iddo feddwl am ei ymddygiad ei hun. Rhoddir sylw i’r themâu o fod yn ystyriol o eraill, ac o roi cynnig arall arni os byddwch yn gwneud llanast o bethau, mewn ffordd ddoniol ond galonogol. Dydyn ni byth yn chwerthin ar Hank na’r rhai y mae’n eu plagio. Mae gan y lluniau ardderchog gefndiroedd plaen llachar â lliwiau trawiadol y mae edrychiadau’r anifeiliaid amrywiol yn disgleirio yn eu herbyn. Mae Duncan Beedie yn darlunio anifeiliaid blin yn wych - mae’r aeliau’n dweud y cyfan! Llawer o hwyl.