One in a Million

Am y llyfr hwn

Mae Debra y sebra wedi dysgu sut i gyfrif! Ond pan fydd yn ceisio cyfrif ei streipiau ei hun, mae’n mynd ar goll ar ôl deg. Wrth lwc, mae ei mam wrth law, ac maen nhw’n cyfrif hyd at filiwn a dau! Mae Debra wrth ei bodd â pha mor wych yw rhifau. Ond mae ganddi un cwestiwn crynedig: gan fod cynifer o sebras ar y paith, sut wnaiff ei mam ddod o hyd iddi eto? 

Stori dwymgalon am gariad rhieni, a phleser rhifau! Caiff y darllenydd ei dywys drwy’r rhifau un i ddeg, gan gyfrif chwilod a gloÿnnod byw a’r natur o amgylch Debra, a cheir llawer o egni a boddhad gan y sebra bach o ddarganfod ei byd a’i rifau. Gallai plentyn sy’n gwrando ar y stori fwynhau cyfrif pob elfen ar y dudalen neu bwyntio atyn nhw. Mae’r lluniau swynol yn dangos lleoliad godidog y paith a brwdfrydedd Debra mewn ffordd hyfryd. Mae’r testun yn rhigwm rhythmig rhydd, sy’n ei wneud yn bleser i’w ddarllen ar lafar hefyd. Hyfryd!