Canllaw Llyfrau Gwych 2025-26: ar gyfer plant 6 i 7 oed

Canllaw hynod ddiddorol ar fwydod, eu cynefinoedd a’u harferion cynorthwyol mewn natur, â nodweddion codi’r llabed a lluniau swynol.

Mae’r llyfr ffeithiol hwn yn cyflwyno planedau Cyfundrefn yr Haul o safbwynt y Ddaear. Mae’n rhannu llawer o wybodaeth mewn fformat hygyrch â lluniau, ynghyd â neges am yr hyn sy’n gwneud ein planed yn unigryw. 

Canllaw swynol ar bopeth danheddog yn y fersiwn wreiddiol hon o’r llyfr ffeithiol am anifeiliaid, gan ganiatáu i ddarllenwyr gael cipolwg ar amrywiaeth o anifeiliaid a’u harferion.

Doniol a dwl, mae hwn yn llyfr a fydd yn diddanu plant am lawer iawn o amser. Yn cynnwys dros 40 o heriau gwirion! 

A all y ditectif amatur Reggie Rabbit ddatrys dirgelwch y moron coll? Stori bleserus a doniol am ladrad wedi’u hadrodd â lluniau arddull llyfr comics. 

Llyfr lluniau cynhwysol am 15 o blant sy’n cynllunio gŵyl We Can, wedi’i ysgrifennu gyda phlant go iawn. 

Mae Gordon yn arbennig o annifyr. Ond pan fydd Anthony y mochyn bach yn rhoi blodyn iddo, mae’n teimlo’n gythryblus. A allai fod yn ddewr yn hytrach nag annifyr? Stori ddoniol iawn â lluniau lliw anhygoel. 

Mae’r biolegydd morol Dr Rose yn mynd â llong ymsuddol i lawr i’r cefnfor dwfn i chwilio am fwystfil chwedlonol. A wnawn nhw ddod o hyd iddi?

Ymunwch â thri ffrind ar eu hantur ddoniol a gwallgof!

Mae’r malwod Fergus a Shelby yn defnyddio eu sgiliau mega-morffio i helpu i achub eu cartref ac atal cynllwyn gwarthus i ddileu’r ddynol ryw yn y llyfr penodau hynod ddoniol hwn. 

Sut all George gadw ei ddraig fach anwes yn gyfrinach pan fo’n hedfan o gwmpas yn achosi anhrefn? Llyfr benodau addfwyn am anifail anwes hudol sy’n digwydd bod â phrif gymeriad â syndrom Down. 

Mae’n rhaid i Amelia a Webster ddarganfod pwy sy’n dwyn gwrthrychau o’r amgueddfa – a pham. Yn llawn bwrlwm wedi’i adrodd mewn arddull stribed comic â lluniau o liwiau trawiadol.

A all Hana a’i ffrind newydd y gath ddatrys dirgelwch pwy sydd wedi dwyn cacen ben-blwydd yr ungorn? Stori hudol hyfryd â lluniau lliw a gosodiad sy’n ystyriol o ddyslecsia.

Mae’r antur bwystfilod bach arbennig o ddoniol hon yn dilyn hynt a helynt y brodyr mabwysiedig Dribble y falwoden a Dash y pryf tân. Pan fydd dyfais newydd Dribble yn cael ei ddwyn gan bâr o glêr y dom drygionus, mae’r brodyr yn ymchwilio gan arwain at ganlyniadau doniol dros ben.

Mae Stanley y ci ditectif yn cael ei dynnu allan o ymddeoliad ar gyfer un achos diddorol olaf yn y stori ddirgelwch ddoniol hon â llawer o luniau. 

Mae eich calon yn pwmpio gwaed yn gyson. Mae eich ysgyfaint bob amser yn anadlu. Ac mae eich ymennydd yn rheoli’r cwbl! Darganfyddwch ragor o fanylion yn y llyfr codi’r llabed difyr ac addysgiadol hwn. 

Mae gan yr efeilliaid Misha a Ziggy uwch-bwerau cyfrinachol! Mae Misha yn gallu siarad ag anifeiliaid ac mae Ziggy yn gallu newid siâp i droi’n anifeiliaid. Ond a allan nhw achub llew du heb i’w tad ddarganfod am y peth? Antur hudol ddifyr.

Mae’r Mubbles direidus yn byw mewn heddwch ar ynys Smile tan i ymddangosiad dirgel ddechrau achosi anhrefn. Mae nofel luniau gyntaf Liz Pichon ar gyfer darllenwyr iau yn llawer iawn o hwyl ddwl! 

Mae Destiny yn teimlo allan ohoni ym mharti pen-blwydd ei chyfnither. A all tedi sy’n siarad ei helpu i fwynhau’r parti? 

Sut all y gwiwerod gael cyflenwad diderfyn o fisgedi? Mae ganddyn nhw gynllun! Nofel luniau ddoniol i ddarllenwyr sydd newydd fagu hyder.

Ymunwch â chriw o greaduriaid dyfnfor wrth iddyn nhw fynd ar bedair anturiaeth hynod ddoniol yn y nofel luniau â lluniau bywiog hon ar gyfer darllenwyr iau gan Aoife Dooley. 

Beth yw’r cysylltiad rhwng blodau a’r bwyd rydym ni’n ei fwyta? Ymunwch â’r ymchwiliad trwy godi llabedi i ddysgu mwy am flodau. Hyfryd a llawn ffeithiau. 

Mae Katy yn dod o hyd i fochyn cwta yn ei gardd! Ond a all hi wir ei chadw? 

Mae Ava a’i ffrindiau yn llunio cynllun i groesawu’r ferch newydd i’w dosbarth. Llyfr penodau swynol â phrif gymeriad sy’n anabl. 

Mae’n rhaid i Ivy a’i thaid Bearlock Holmes ddatrys achos y blodyn Agafe coll. Gyda phosau rhyngweithiol i’w datrys a fformat difyr â llawer o luniau, mae’r llyfr hwn yn berffaith i dditectifs ifanc!