A Little Blue Dot: Meet the planets of our solar system

Am y llyfr hwn

Rhywle yn y bydysawd enfawr hwn, mor ddisylw y gallech chi bron â’i fethu, mae dot bach glas yn hofran. 

Y Ddaear yw’r dot bach glas hwn, ac nid yw’n hapus. Mae’r holl blanedau eraill yn ymddangos yn llawer mwy cyffrous na hi. Ceir y cawr Iau a’i stormydd enfawr, Gwener sy’n disgleirio’n llachar fel seren fore ac (wrth gwrs) Sadwrn â’i gylchau rhewllyd rhyfeddol. O’i chymharu â nhw, pwy fyddai fyth yn sylwi ar blaned ddiflas fel hi? 

Ond, ar ddiwedd y daith o gwmpas Cyfundrefn yr Haul, mae’r planedau eraill i gyd yn dweud pa mor anhygoel yw’r Ddaear mewn gwirionedd. Maen nhw’n edmygu ei moroedd glas a’i choedwigoedd gwyrdd ac, yn fwyaf arwyddocaol oll, y bywyd sy’n ffynnu ar ei hwyneb. Mae mwy i’r dot bach glas hwn nag y mae’n ymddangos i gychwyn... 

Mae’r llyfr ffeithiol hwn sydd wedi’i ddylunio’n hyfryd yn mynd â chi ar daith i gyfarfod â’r planedau, corblanedau a nodweddion arwyddocaol yng nghyfundrefn yr haul. Mae’r lluniau yn ddymunol iawn a phlanedau cyfeillgar, wedi’u personoli, lliwiau ysgafn a chynllun eglur; ac mae’r wybodaeth wedi’i chyflwyno’n dda i’w hystod oedran darged, â llawer iawn o fanylion i feddyliau chwilfrydig. 

Byddai’r llyfr swynol hwn yn gweithio’n dda fel ysbrydoliaeth ar gyfer prosiect celf yn seiliedig ar gyfundrefn yr haul.