Ava Spark: Hello, I’m Here!

Am y llyfr hwn

Dewch i gyfarfod â’r ferch ddeg oed Ava Spark. Mae ganddi efeilles, Flo, dau ffrind gorau o’r enw Jack a Miya, ac mae’n siarad gan ddefnyddio cymorth cyfathrebu. Pan fydd merch newydd o Awstralia yn ymuno â’r ysgol, gofynnir i Ava ofalu amdani. Mae’r ferch newydd braidd yn swil, felly mae Ava a’i ffrindiau yn llunio cynllun i helpu i deimlo ei bod yn cael ei chroesawu. Ond a fydd yr athrawes lem Mrs Hare yn cytuno ei fod yn syniad da? 

Mae’r llyfr penodau swynol hwn yn cynnig blas ar fywyd mewn ysgol gynradd, lle mae’r prif gymeriad yn digwydd bod mewn cadair olwyn. Nid yw’r stori yn rhoi gormod o sylw i ffordd Ava o siarad, oherwydd bod ganddi thema ehangach o gyfathrebu, â phwyslais ar groesawu ffrindiau newydd a chynorthwyo ffrindiau presennol. Mae’n bwysig i blant ddarllen am gymeriadau yn cael profiadau tebyg iddyn nhw, fel gwneud ffrindiau newydd, ac i’r cymeriadau hyn gwmpasu amrywiaeth o gefndiroedd, galluoedd a nodweddion cymeriad, i adlewyrchu cymdeithas gyfoes. Roedd mab yr awdur yn defnyddio cymorth cyfathrebu fel Ava, sef efallai pam mae Ava Spark yn cyflawni hyn mewn ffordd gynhwysol naturiol.