Ivy and Bearlock Holmes: The Case of the Missing Flower

Am y llyfr hwn

Mae’r egin dditectif ifanc Ivy yn byw gyda’i thaid, yr enwog Bearlock Holmes. Gyda’i gilydd, maen nhw wrth eu boddau yn datrys dirgelion ac achosion ac yn mwynhau bisgeden flasus (neu bedair). Felly, pan fydd y blodyn Agafe enwog yn mynd ar goll o’r gerddi botaneg, mae’r pâr o chwilotwyr arbenigol yn camu i’r adwy i ddarganfod y gwir. 

Ond ni all Ivy a'i thaid ddatrys yr achos hwn ar eu pennau eu hunain, maen nhw angen cymorth! Yn yr antur ryngweithiol hon, gwahoddir y darllenydd i sianelu ei dditectif mewnol i helpu Ivy i ddatrys 15 o bosau difyr wrth i’r achos ddatblygu. Mae’r stori dditectif wych hon yn cynnwys llawer o elfennau difyr i gadw darllenwyr ifanc wedi’u diddanu: ceir llawer o luniau drwy’r llyfr; ceir llawer o gymeriadau anifeiliaid difyr i’w cyfarfod; mae’n cynnwys gwyddoniaeth wirioneddol am wenyn, planhigion a pheillio; ac mae’r posau rhyngweithiol wedi’u dylunio’n dda a wir yn hwyl. Llyfr perffaith ar gyfer y rhai sydd newydd ddechrau darllen yn annibynnol. Cadwch lygad allan am fwy o straeon yng nghyfres Ivy and Bearlock.