Dyddiadur Dripsyn: Storm Eira

Am y llyfr hwn

Pwy sy'n gyfrifol am y graffiti yn yr ysgol? Pwy bynnag sydd ar fai, Greg sy'n cael ei amau. Mae trwbl yn disgwyl amdano pan gaiff ei ddal yn sownd yn y tŷ oherwydd eira mawr. Yn ogystal â phoeni am yr hyn sy'n ei ddisgwyl pan aiff nôl i'r ysgol mae Greg hefyd yn poeni am y Nadolig...a'i anrhegion. Gan fod Siôn Corn a 'Picsi Santa' (Elf on the Shelf) yn gweld pob peth, mae Greg yn gwneud ei orau glas i aros ar restr plant da Siôn Corn.

Dyma nofel wych arall yng nghyfres Dyddiadaur Dripsyn. Mae'n llyfr hawdd iawn i'w darllen - er bydd rhaid i chi stopio i chwerthin yn aml – ac mae'r lluniau'n ychwanegu at yr hiwmor. Gyda chyfieithiad campus Owain Siôn, mae'n hawdd anghofio mai addasiad o lyfr Saesneg, Americanaidd yw hwn. Dyma'r chweched llyfr Dripsyn yn Gymraeg – beth am ddarllen y gweddill hefyd?