Mira a’r Goeden

About this book

Dyma ddewis perffaith ar gyfer darllenwr sydd yn mentro i lyfrau pennod am y tro cyntaf. Mae'r iaith, maint y penodau a'r lluniau cartŵn sydd yn ymddangos yn gyson drwy'r llyfr yn golygu y bydd y stori hon yn siŵr o fachu diddordeb.

Dyma’r drydedd yn y gyfres o lyfrau Mira, a’r tro hwn mae’r prif gymeriad yn mentro ar drip gwersylla am y tro cyntaf gyda ffrindiau’r teulu nad yw hi wedi eu gweld ers oedd yn fabi. Dydy pethau ddim yn argoeli’n dda wrth i bryderon Mira am golli parti ei ffrind a gwneud pethau newydd dduo’i hwyliau. Wedi cyrraedd, daw mwy o heriau wrth iddi drio datblygu perthnasau â phlant eraill sef Rory (sy’n anabl) ac Imelda ei chwaer. Ond trwy gymorth ei theulu a’i ffrindiau newydd daw Mira i adnabod eraill, a hi ei hun, yn llawer gwell. Dyma lyfr a fydd, heb os, yn datblygu empathi ymhlith ei ddarllenwyr ifanc.