Wild Magic: Legend of the Black Lion

Am y llyfr hwn

Mae gan yr efeilliaid Misha a Ziggy uwch-bwerau cyfrinachol! Mae Misha yn gallu siarad ag anifeiliaid ac mae Ziggy yn gallu newid siâp i droi’n anifeiliaid.

Pan fydd eu tad, cyflwynydd rhaglenni bywyd gwyllt ar y teledu, yn mynd a nhw i Ethiopia gydag e, maen nhw mor gynhyrfus. Efallai y byddan nhw’n gweld llew du! Ond pan fyddan nhw’n darganfod bod potswyr ar ôl y llew, yn sydyn mae pwerau’r efeilliaid yn eu rhoi nhw mewn perygl mawr. A allan nhw gadw’r anifeiliaid - a’u hunain - yn ddiogel? 

Mae bron i bob plentyn wedi bod eisiau siarad ag anifeiliaid neu fod yn un ar ryw adeg, felly mae union gysyniad y gyfres hon yn arbennig o ddeniadol. Mae’r efeilliaid yn defnyddio eu pwerau i helpu’r anifeiliaid, wrth gwrs, a cheir perygl go iawn i Ziggy pan fydd ar ffurf anifail, sy’n ychwanegu at y tensiwn.

Mae lluniau ardderchog Emma McCann yn rhoi teimlad hygyrch a chyfeillgar i’r llyfr, ac mae tudalennau â ffeithiau yn y cefn am lewod du ac am Ethiopia yn fonws ychwanegol.

Mae Dad yn esiampl wych - yn weithiwr caled ac yn ofalgar - ac mae’n hyfryd gweld teulu Du cyfoes â thad sengl yn cael ei gynrychioli.  Perffaith i’r rhai sy’n caru anifeiliaid a’r rhai sy’n hoff o bwerau hudol.