Usborne Lift-the-flap First Questions and Answers: Why do we need worms?: Usborne Lift-the-flap First Questions and Answers

Am y llyfr hwn

Mae’r mwydod yn ein pridd yn helpu planhigion i dyfu ym mhob math o ffyrdd arbennig a diddorol. Mae eu twnelau yn dod ag aer a dŵr i mewn i’r pridd; mae eu cnoi, eu hysgarthu a’u hwiglo yn helpu i gymysgu’r pridd; AC mae eu pŵ yn llawn maethynnau! Gwych!

Nid yn unig hynny, ond mae mwydod yn gwneud pethau pwysig eraill fel helpu’r ddaear i osgoi llifogydd – ac mae’r pridd y mae mwydod wedi byw ynddo cymaint yn fwy cyfoethog o ran maethynnau na phridd arall, sy’n golygu ei fod yn werthfawr i ffermwyr y byddai’n rhaid iddynt ddefnyddio gwrteithiau fel arall.

Gan edrych ar gwestiynau pwysig eraill fel pa greaduriaid sy’n byw mewn pridd, sut mae’n cael ei wneud yn y lle cyntaf, a pham yn union y mae pridd iach mor hollbwysig, mae’r llyfr bwrdd addysgiadol hwn yn llawn manylion hynod ddiddorol am fwydod a’u swyddogaeth allweddol mewn ecosystemau naturiol.

Yn cynnwys llabedi cardfwrdd a lluniau del, mae hwn yn llyfr difyr a rhyngweithiol hefyd. Ceir cryn dipyn o wybodaeth yma, ond mae gan bob llabed ychydig bach o destun sy’n hawdd ei amgyffred gan ei gwneud yn hygyrch i blant oed ysgol gynradd.

Erbyn yr adeg y byddan nhw’n gallu darllen y llyfr yn annibynnol, efallai y byddan nhw’n teimlo bod y fformat llyfr bwrdd a llabedig braidd yn ifanc, ond mae’r wybodaeth a’r cyflwyniad yn dal i fod yn ddigon deniadol yn gyffredinol i fod yn ddiddorol.