Rhai o’n hoff lyfrau a gyhoeddwyd yn Gymraeg blwyddyn eleni.
Wrth siopa am deitlau Canllaw Llyfrau Gwych gydag ein partneriaid, bydd arian o’ch archeb yn cael ei roi i BookTrust: Bookshop.org (dolen gysylltiedig)
Am lyfrau gan gyhoeddwyr o Gymru ewch i gwales.com
Ar ei diwrnod cyntaf yn yr ysgol mae Wini a’i chyfeillion yn dysgu gwersi pwysig am sut i fod yn ffrind da. Dewis gwych ar gyfer plant sydd yn cychwyn ar eu taith trwy’r ysgol.
Pan mae’n dod at fathemateg, Mostyn yw’r ddafad gorau yn y wlad, ond ydy e’n gallu dod o hyd I ffordd I gadw ar ddihun yn ddigon hir i gyfri’r holl ddefaid yn y praidd? Llyfr lliwgar llawn hwyl am ddatrys y problemau mwyaf gwirion!
Wrth i’r haul fachlud, mae angenfilod bach ym mhobman yn paratoi ar gyfer y gwely. Pa un a ydych chi’n sgerbwd, yn fampir neu’n fwgan, mae dal angen i chi dacluso eich teganau, brwsio eich dannedd a swatio yn barod am stori amser gwely. Stori amser gwely ddireidus sy’n odli ar gyfer angenfilod bach cysglyd.
Pan fydd cartref Spark yn cael ei ddinistrio mewn storm, does ganddo ddim unlle i fyw. A wnaiff e fyth ddod o hyd i gartref newydd? Yn dathlu caredigrwydd a chyfeillgarwch, mae hon yn stori swynol â lluniau bendigedig.
Pan mae gwiwer chwilfrydig a thwrch daear busneslyd yn mentro i rannau anghyfarwydd y goedwig, maen nhw’n dod o hyd i gyfeillgarwch a hwyl gyda’r ‘nhw’ dieithr maen nhw wedi cael eu rhybuddio yn erbyn. Llyfr arbennig o glyfar a doniol gyda neges bwysig wrth galon y stori.
Pan ddaw’r diwrnod i Divya wisgo bindi am y tro cyntaf mae hi’n profi corwynt o wahanol emosiynau. Ond wrth siarad gyda’r plant eraill yn y dosbarth am ei phrofiadau mae hi’n darganfod llawenydd, cryfder a balchder yn ei hunaniaeth Hindŵaidd.
Pan mae disgybl newydd yn dechrau yn Ysgol Arswyd mae hi’n teimlo’n nerfus iawn ond mae’r ansicrwydd yn diflannu’n gyflym wrth iddi sylweddoli mai codi gwên nid codi ofn yw bwriad bwystiflod yn yr ysgol hon. Llyfr llawn hwyl yn enwedig ar Galan Gaeaf!
Ar ôl cael ei wahardd rhag mynd ar y trip ysgol ddiweddaraf mae Dylan yn gwneud dymuniad i bob athro yn y byd diflannu. Ond pan ddaw’r dymuniad yn wir nid yw bywyd mor braf a’r hyn roedd Dylan wedi ddisgwyl. Llyfr llawn hwyl sydd yn rhybuddio’r darllenydd i fod yn ofalus am yr hyn maen nhw’n dymuno.
Pan mae cyflenwad bwyd y tylwyth teg yn llwydo mae Pip, y tylwyth teg di-glem a hoffus sydd wrth galon y stori, yn cael ei dynnu i drobwll o gynllwynio gwleidyddol. Nofel graffig llawn lliw, doniolwch ac anarchiaeth.
Mewn ymdrech i atal clwb garddio’r ysgol rhag cau, mae’r aelodau yn penderfynu defnyddio cynnyrch yr ardd i gynnal gŵyl fwyd y stryd. Ond a fydd hwn yn ddigon i achub y clwb arbennig? Llyfr atyniadol, llawn gwybodaeth sy’n rhoi cipolwg ar sut all fwyd newid bywydau plant er gwell.
Dyma lyfr sy’n cyflwyno 20 o’r bobl Ddu ac Asiaidd mwyaf diddorol ac ysbrydoledig sydd yn byw yng Nghymru heddiw, mewn ffordd sydd yn hwylus ac yn atyniadol i ddarllenwyr ifanc.
Pan mae Meg yn sylwi bod ei ffrind Mr Beynon wedi mynd ar goll mae ganddi deimlad annifyr efallai mai arni hi, a’i hymdrechion i helpu iddo ddod o hyd i gymar newydd ar y we, sydd ar fai. Ond gyda help ei chi a ffrind da, mae Meg sydd yn niwroamrywiol, yn llwyddo ffeindio’i ffordd trwy’r byd heriol o’i chwmpas i ddatrys y dirgelwch a helpu ei ffrind.
Mae’r casgliad hwn o gerddi doniol, sy’n peri rhywun i feddwl ac yn llawn dychymyg am y byd o’n cwmpas wedi’i gyfansoddi gan Fardd Llawryfog Plant Cymru.
Am gyhyd ag y gall Huw ei gofio, mae Nan wedi gwrthod siarad am ei brawd Johnny, ond wrth iddi ildio i afael dementia, mae’n rhannu digon o wybodaeth i Huw a’i ffrindiau ymchwilio i’r ffeithiau am yr hyn a ddigwyddodd i Johnny mewn gwirionedd yr holl flynyddoedd hynny yn ôl.
Ar ôl marwolaeth ei ffrind gorau ac ar ôl iddi symud o un ochr y wlad i’r llall mae Gwen yn teimlo’n unig ac yn ynysig. Ond mae cyfeillgarwch annisgwyl gyda môr-forwyn sy’n hoffi cynllunio dillad yn helpu iddi ail-ddarganfod ei chryfder a’i hunanhyder. Dyma nofel graffeg drawiadol sy’n sôn am golled, unigrwydd a phwysigrwydd cyfeillgarwch.
