Hyfforddiant Ymwelwyr Iechyd Dechrau Da Cymru
Gweithdy rhyngweithiol yn cyflwyno dechrau da, yn egluro manteision darllen ar y cyd cynnar ac yn rhoi cyngor ymarferol ynghylch sut i roi pecynnau babanod a blynyddoedd cynnar i deuluoedd yng Nghymru.
Mae’r gweithdy rhyngweithiol hwn sy’n para 2 awr yn cyflwyno myfyriwr-ymwelwyr iechyd i raglenni Dechrau Da Babi a Blynyddoedd Cynnar ac yn rhoi canllawiau ymarferol y gallwn nhw eu hymgorffori yn eu harfer.
Mae canllawiau arweiniol cynhwysfawr i’w cael i arweinwyr y gweithdai.
Mae’r gweithdy yn edrych ar y pynciau a ganlyn:
- Cyflwyniad i BookTrust Cymru a Dechrau Da
- Manteision rhannu darllen yn gynnar
- Trosolwg o becynnau Dechrau Da a negeseuon wrth wneud rhodd ohonyn nhw
- Cyfweliadau ag Ymwelwyr Iechyd a staff Llyfrgell
- Canllawiau ar gydweithio â phartneriaid Dechrau Da
Fe fyddwch chi hefyd yn cael:
- Awgrymiadau ar gyfer gwneud rhodd o’r pecynnau
- Ymchwil gefndir a phethau eraill i’w darllen
Adnoddau gweithdy ar gyfer myfyriwr
Fe fydd y gweithdy Dechrau Da yn rhoi canllawiau ymarferol ichi ar sut i wneud rhodd o becynnau Dechrau Da, yn ogystal â throsolwg o sut y mae’r rhaglen o fudd i ddatblygiad plant.
Cyflwyniad Dechrau Da
Lawrlwytho’r cyflwyniad
Trosolwg o BookTrust phecynnau Dechrau Da Babi a Dechrau Da Blynyddoedd Cynnar, canllawiau a negeseuon allweddol i’w cofio wrth roi’r pecynnau. Mae’r cyflwyniad hefyd yn cynnwys cyfweliadau ar fideo gydag Ymwelwyr Iechyd a staff llyfrgell, a chwis.
Nodiadau myfyrwyr
Lawrlwythwch y nodiadau myfyrwyr
Mae’r ddogfen hon yn cynnwys holl wybodaeth y gweithdy, gan gynnwys trosolwg o bob rhaglen Dechrau Da, cynnwys pecynnau a chanllawiau ar wneud rhodd, yn ogystal â phethau ychwanegol i’w darllen, ymchwil gefndirol a Chwestiynau Cyffredin.
Adnoddau gweithdy ar gyfer arweinwyr cwrs
Gweithdy rhyngweithiol sy’n cyflwyno Dechrau Da, yn esbonio manteision rhannu darllen yn gynnar ac yn rhoi cyngor ymarferol ynglŷn â sut i wneud rhodd o becynnau Babi a Blynyddoedd Cynnar i deuluoedd yng Nghymru.
Cyflwyniad Dechrau Da
Lawrlwytho’r cyflwyniad
Trosolwg o BookTrust a Dechrau Da, gyda chanllawiau a negeseuon allweddol ar gyfer arfer gorau wrth wneud rhodd. Mae’r cyflwyniad hefyd yn cynnwys cyfweliadau fideo gydag Ymwelwyr Iechyd a staff llyfrgell, a chwis Kahoot rhyngweithiol.
Nodiadau arweinydd y cwrs
Lawrlwythwch nodiadau arweinydd y cwrs
Mae gweithdai Dechrau Da yn hyblyg – mae’r nodiadau’n amlinellu sut i gyflawni’r cwrs mewn 2 awr. Mae’r strwythur yn cynnwys sesiynau rhyngweithiol, pwyntiau trafod, cwisiau, a gweithgareddau a chanllawiau ymarferol i’w defnyddio gyda’r cyflwyniad.
