Adnoddau Amser Stori BookTrust Cymru

Bydd llyfrgelloedd dethol yn derbyn chwe llyfr, detholiad o adnoddau diriaethol ynghyd â mynediad i adnoddau digidol.

Tystysgrif

Ar gael yma

Eich dewis chi yw pryd i gyflwyno tystysgrifau i blant a theuluoedd – efallai y gallai fod y tro cyntaf y dônt i sesiwn, adeg benthyca llyfr o'r llyfrgell neu drwy bleidleisio am eu hoff stori.

Ond mae'r dystysgrif hefyd yn symbyliad gwych ar gyfer cael teuluoedd i barhau i ddychwelyd i'r llyfrgell ar gyfer pob sesiwn – anogwch rieni a gofalwyr i ddal ati i ddod yn ôl er mwyn iddyn nhw dderbyn eu tystysgrif ar ôl iddyn nhw fwynhau pob un o'r chwe llyfr.

---

Taflenni gweithgaredd

Sgroliwch i lawr i'w gweld

Mae gan bob un o lyfrau Amser Stori BookTrust Cymru daflen weithgaredd i gyd-fynd ag ef. Beth am annog teuluoedd i aros ar ôl diwedd y stori i roi cynnig ar y daflen?

Gallech greu pecynnau o'r taflenni gweithgaredd i fynd adref, gan alluogi i aelodau eraill o'r teulu deimlo eu bod yn rhan o Amser Stori BookTrust Cymru.

---

Crëwr Atgofion

Anogwch y teuluoedd i dynnu llun gyda'r crëwr atgofion Amser Stori BookTrust Cymru! Mae'n ffordd wych o beri fod yr ymweliad cyntaf â'r llyfrgell yn teimlo fel digwyddiad arbennig, a rhywbeth i'w ddathlu a'i gofio.

Efallai yr hoffen nhw hefyd rannu'u lluniau ar y cyfryngau cymdeithasol, gan ddathlu ymweliad eu plentyn â'r llyfrgell, ac ar yr un pryd roi hwb i'ch sesiynau Amser Stori BookTrust Cymru!

Gwnewch yn siŵr bod pob un o staff y llyfrgell yn ymwybodol o'ch dolenni cyfryngau cymdeithasol rhag ofn yr hoffai teuluoedd eich tagio yn eu llun (a gallant hoffi a rhoi sylw arnynt os yw hyn yn digwydd!)

Beth am gynnwys eich manylion cyfryngau cymdeithasol ar boster ger y crëwr atgofion, neu ar daflen, ac annog ymwelwyr i'ch dilyn?

---

Llyfr sticeri Amser Stori BookTrust Cymru

Mae llyfr sticeri Amser Stori BookTrust Cymru yn ffordd wych arall o annog teuluoedd i ddod ar ymweliad dro ar ôl tro â'r llyfrgell.

Eich dewis chi yn llwyr yw sut i ddefnyddio'r sticeri. Efallai y gallech wobrwyo'r plant am fwynhau sesiwn amser stori, llenwi taflen weithgaredd neu fenthyca llyfr.

I rai teuluoedd, gallai cyffro casglu rhagor o sticeri bob tro y byddan nhw'n ymweld â'r llyfrgell eu hannog i ailymweld yn gyson.

---

Penellau Tylluan

Mae ein penellau tylluan yn wych ar gyfer annog plant i archwilio rhannau amrywiol o adran blant eich llyfrgell!

Heriwch nhw i ddod o hyd i'r holl dylluanod – os yw'r plant yn ymweld â'r llyfrgell am y tro cyntaf, neu os oes ganddynt lawer o egni i'w losgi, gallech drefnu helfa hwyliog!