Ynglŷn â: Pori Drwy Stori dosbarth Derbyn

Rhaglen ddwyieithog ydy rhaglen Dosbarth Derbyn Pori Drwy Stori, ar gyfer plant oedran dosbarth Derbyn amrywiol eu galluoedd. Mae Pori Drwy Stori yn adeiladu ar raglen boblogaidd Dechrau Da, sydd ar gyfer plant iau.

BookTrust Cymru sydd wedi cynllunio a chyflenwi’r rhaglen ac mae Llywodraeth Cymru’n ei hariannu. Mae rhaglen Pori Drwy Stori’n cael ei chyflenwi i bob ysgol a gynhelir yng Nghymru a does dim angen cofrestru. Mae hyfforddiant ar-lein ar gael; gallwch chi ddewis dyddiad a chofrestru yma.

Mae'r rhaglen yn darparu adnoddau ffisegol a digidol, i'w defnyddio gan athro’r dosbarth Derbyn yn yr ystafell ddosbarth ac i'w defnyddio gartref gan blant a'u rhieni a'u gofalwyr.

Tymor yr Hydref

• Her Rigymu – set o rigymau difyr ac amrywiol Cymraeg a Saesneg i’w dysgu a’u mwynhau. Bydd ysgolion yn derbyn llyfrynnau a thystysgrifau i’r plant, a phosteri ar gyfer yr ystafell ddosbarth.
• Fy Nghalendr Dyna Dywydd - gweithgaredd teuluol at dymor yr hydref yw hwn, a gall gael ei ddefnyddio fel tasg ryngweithiol wych dros wyliau hanner tymor yr hydref. Bydd siarad am wahanol fathau o dywydd a'u cofnodi yn helpu'r plant i ddatblygu eu sgiliau lleferydd, iaith, cyfathrebu a mathemateg yn y blynyddoedd cynnar."

Tymor y Gwanwyn

• Pecynnau Llyfr Pori Drwy Stori - pecyn i bob plentyn yn eich dosbarth Derbyn ei gymryd adref a'i gadw, gan gynnwys llyfr stori a llun dwyieithog o safon uchel, cylchgrawn gweithgareddau a thaflen llyfrgell.
• Cardiau Ble Mae’r Ddafad – bydd pob plentyn yn derbyn set o gardiau Ble Mae’r Ddafad i fynd adref. Mae llawer o gemau hwyliog i’w chwarae gyda’r cardiau, yn y dosbarth ac yn y cartref.

Tymor yr haf

• Bydd yr adnodd - creu llyfr yn helpu eich dosbarth i archwilio’r broses o wneud eu llyfr eu hunain, gan ddarparu offeryn i’w hysgogi a fydd yn rhoi cyfle iddynt ysgrifennu’n annibynnol ac ar y cyd mewn ymateb i amrywiaeth o sbardunau, ar bynciau sydd o ddiddordeb a phwysigrwydd iddyn nhw. Byddem ni’n awgrymu defnyddio’r rhain gyda’ch dosbarth yn ystod tymor yr haf.
• Cylchgrawn Her yr Ungorn – Mae yna gysylltiad rhwng y gweithgareddau difyr yn y cylchgrawn a’r Cyfnod Sylfaen ac mae wedi’i greu i’w ddefnyddio gyda’ch plentyn wrth iddo/ iddi symud o’r dosbarth Derbyn i Flwyddyn 1. Bydd eich cylchgronau Her yr Ungorn a’r canllaw i athrawon yn cyrraedd gyda’ch danfoniad ym mis Mehefin/ Gorffennaf, i’r athro/ athrawes/ athrawon Blwyddyn 1 eu rhannu â’r plant ym mis Medi.

Nod:

Y nod yw codi safonau llythrennedd a rhifedd a hybu ymgysylltiad rhieni. Cefnogi Dysgu Sylfaen yn y Meysydd Dysgu a Phrofiad canlynol: Ieithoedd, Llythrennedd a Chyfathrebu, Mathemateg a Rhifedd ac Iechyd a Lles.