English Cymraeg

Wythnos Rhannu Stori

Croeso i Wythnos Rhannu Stori 2026, dathliad blynyddol BookTrust o’n partneriaid dosbarthu anhygoel fel chi, sy’n defnyddio adnoddau Dechrau Da i helpu plant a theuluoedd i ddarganfod llawenydd straeon.

Gwobr Rhannwr Stori y Flwyddyn

Bob dydd, mae ein partneriaid yn creu cyfleoedd i deuluoedd rannu straeon a datblygu cariad at lyfrau trwy ddigwyddiadau, gweithgareddau, rhoi llyfrau yn anrhegion a darllen bob dydd gartref. Wrth wneud hynny, rydych chi’n cefnogi datblygiad a lles plant wrth greu adegau ystyrlon a all gael effaith barhaol ar y teulu cyfan.

Wythnos Rhannu Stori yw ein cyfle i gydnabod a dathlu ymrwymiad, creadigrwydd ac angerdd ein partneriaid dosbarthu. Diolch am bopeth rydych chi’n ei wneud i ysbrydoli cariad at ddarllen a helpu i roi’r dechrau gorau mewn bywyd i blant.

Neges gan Julia Donaldson ac Axel Scheffler

Gwobr Rhannwr Stori y Flwyddyn

Activity

Mae Gwobr Rhannwr Stori y Flwyddyn BookTrust yn dathlu gweithiwr proffesiynol yn y Blynyddoedd Cynnar sy’n haeddu cydnabyddiaeth am sut mae’n defnyddio rhaglenni BookTrust i ddod â hud llyfrau a darllen i deuluoedd, gan gael effaith fawr ar fywydau plant. Ond mae angen eich help chi arnom i ddod o hyd iddyn nhw…

Mwy o ffyrdd o gymryd rhan

Adnoddau i bartneriaid

Gweminar: Dechrau'n Gryf - Amodau Galluogi Darllen yn y Blynyddoedd Cynnar

Skills and training

Gwyliwch y sesiwn am ddim i’ch ysbrydoli i archwilio sut y gellir cefnogi teuluoedd i wneud darllen yn rhan hapus, bob dydd, o fywyd y cartref. Addas ar gyfer partneriaid dosbarthu Dechrau Da, ac i bobl sy’n gweithio yn y sector Blynyddoedd Cynnar.
Cyngor gwych: helpu teuluoedd i ddatblygu arferion darllen yn ystod blynyddoedd cynnar plentyn

Guidance and tips

0 i 3 years

Nododd Arolwg Teuluoedd Cenedlaethol BookTrust 2026 bum amod sy’n gwneud rhannu darllen yn haws i deuluoedd. Gan ddefnyddio’r rhain, dyma rai ffyrdd syml, ymarferol y gall ymarferwyr gefnogi teuluoedd i fwynhau llyfrau a straeon gyda’i gilydd, gan helpu plant i brofi manteision parhaol rhannu darllen.
Croeso i’n Harweiniad i Adnoddau ar gyfer Partneriaid

Guidance and tips

Mewn cydweithrediad â phartneriaid fel chi, sy’n gweithio i helpu teuluoedd i brofi buddiannau gwerthfawr darllen, rydym wedi datblygu cyfres o adnoddau hyblyg i’ch helpu i gyflwyno’r pecynnau Dechrau Da i Blant Bach a Dechrau Da Meithrin.

Effaith eich gwaith

"Fel storïwr, un o'r pethau gorau i'w weld yw'r rhyngweithio rhwng oedolion a'u babanod."

Case study

0 i 5 years

Dyma Rhian Green, Swyddog Cymraeg i Blant yn Sir Benfro, ac un o’r rhai a gyrhaeddodd y rownd derfynol ar gyfer gwobr ‘Rhannwr Straeon y Flwyddyn’ BookTrust y llynedd. Dyma sut mae ei sesiynau cynhwysol, creadigol a dwyieithog yn cyflwyno teuluoedd i bŵer straeon a rhigymau i gefnogi datblygiad lleferydd ac iaith babanod.
"Mae Vicky yn rhannu stori yn gynhwysol ac yn llawen. Mae hi'n gwneud i ddarllen deimlo fel dathliad, cysur a hawl."

Case study

0 i 5 years

Dyma Vicky Hough, Cydlynydd Blynyddoedd Cynnar Llyfrgelloedd Bryste, a oedd yn rownd derfynol Gwobr Rhannwr Stori y Flwyddyn BookTrust y llynedd. Dyma sut mae hi’n creu ‘adegau hudolus’ yn ei chymuned gan wneud i deuluoedd â phlant deimlo eu bod yn cael eu croesawu a’u hannog i ymgysylltu â llyfrgelloedd a llyfrau, gan ddefnyddio rhaglenni blynyddoedd cynnar BookTrust. (Yn Saesneg yn unig).

Argymhellion llyfrau

100 Llyfr Gorau 0–5

Edrychwch ar ein dewis o’r llyfrau gorau i blant 0–5 oed o’r 100 mlynedd diwethaf.
Llyfrau i annog datblygiad iaith a lleferydd

Cyflwyno plant i iaith mewn ffordd hwyliog