Canllaw Llyfrau Gwych Cymru 2023: 6 i 7

Dyma’r cyntaf mewn cyfres newydd hyfryd. Gyda darluniau cyfeillgar mewn lliw ar bob tudalen ddwbl a phenodau byr, mae hwn yn ddewis da i ddarllenwyr sydd newydd ddechrau magu hyder wrth ddarllen ac sy’n edrych am antur ysgafn.

Wedi’i ysgrifennu mewn sigl odledig telynegol, mae hwn yn ddathliad o bawb sy’n byw mewn blociau o fflatiau ac ar stadau.

Mae Snail a Worm allan am dro un diwrnod braf pan mae trychineb yn digwydd: mae rhywun neu rywbeth yn bwyta’r chwilod i gyd!

Mae’r straeon byrion yn gwneud y llyfr hwn yn un hawdd troi ato, ac mae’r darluniau annwyl yn dod â bywyd Tola’n fyw gyda hiwmor. Dathliad hyfryd o gymuned, teulu a chariad.

Mae’r stori annwyl hon yn canolbwyntio ar garedigrwydd a gofalu – ac mae’n cynnwys ffeithiau am grwbanod mawr Asia a malwod tir mawr Affrica! Gyda phenodau byr a llawer o ddarluniau difyr, mae’n ddelfrydol ar gyfer darllenwyr hyderus newydd.

Mae Sammy wrth ei bodd yn chwarae pêl-droed! Un diwrnod, mae hyfforddwr y tîm cenedlaethol yn sylwi ar ei photensial. Ond bob tro mae hi’n anelu at y gôl, mae’r bêl yn gwyro i’r ochr. Sut all Sammy ddod o hyd i’r hyder i ddefnyddio’i sgiliau yn y ffordd iawn?

Mae Timmy, sydd â’r rhagenwau eu/​nhw, wrth eu bodd yn perfformio. Ond mae yna un peth annisgwyl.…dydy Timmy erioed wedi perfformio o flaen cynulleidfa. Maen nhw’n ddihyder iawn, cymaint felly fel bod llew swil mewnol yn eu dilyn nhw o gwmpas.

Yn y llyfr lluniau clyfar hwn, rydyn ni’n dysgu bod yna rai pethau yn gyffredin i bopeth byw: maen nhw’n gellog, maen nhw’n tyfu ac maen nhw’n gallu atgenhedlu.

Mae Honey y wenynen yn breuddwydio am gael swydd gyffrous fel gofodwr, dawnsiwr neu Frenhines yr Aifft. Ond mae pob llwybr sydd ar agor iddi’n swyddi gwenyn hynod o ddiflas fel bwydo mêl i’r gwenyn bach neu beillio blodau. DIFLAS!

Dydy Gerald yr eliffant ddim yn gallu stopio tisian – a, bob tro mae’n gwneud, mae’n chwythu Piggie ei ffrind druan i’r awyr. Beth os ydy moch yn gwneud iddo disian? Yn ffodus, mae Doctor Cat wrth law iddo disian arno ac i wneud diagnosis o’r broblem…

Mae gan bawb yn Nosbarth Un gloc llusern. Mae rhai yn grwn, rhai yn sgwâr. Mae rhai yn ffansi, rhai yn syml. Mae Dosbarth Un wedi’u gwneud nhw o bapur tusw a phriciau helyg.

Mae Bumble a Snug yn ffrindiau gorau. Mae Bumble yn 50% brwdfrydedd, 50% egni; a Snug yn 33% caredigrwydd, 33% gofalgarwch, 33% brêns.

Mae Pedro’r llygoden fach wastad wedi breuddwydio am antur fawr, felly gyda chês yn ei law mae’n dechrau ar ei daith ac yn cael ei hun ar y traeth.

Mae gan y llyfr penodau hwn ddarluniau blociog lliwgar iawn wedi’u dylunio’n arbennig i edrych fel Minecraft a Lego, fel bo’n apelio’n fawr at y rhai ifanc sy’n chwarae’r gemau hyn. Dyma’r cyntaf mewn cyfres liwgar, hawdd ei darllen a difyr dros ben sy’n benodol ar gyfer ddarllenwyr cynnar.

Mae’r llyfr clyfar hwn yn dangos union faint anifeiliaid marwol – neu eu rhannau allweddol. 

Mae hwn yn llyfr stori tylwyth teg rhyngweithiol gwych gyda 40 fflap i’w codi. Mae ei fformat mawr yn ei wneud yn ddelfrydol i’w rannu, er bod y manylion yn werth edrych arnyn nhw’n agosach.

Mae hon yn stori hyfryd, wedi’i darlunio’n hardd mewn du a gwyn gyda phalod annwyl dros ben. Bydd darllenwyr ifanc yn deall pryderon Muffin am ffitio mewn yn yr ​‘ysgol’ a gwneud ffrindiau.

Y llyfr llawn cyffro hwn ydy’r cyntaf yn y gyfres Secret Beast Club ac mae’n cynnwys prif gymeriadau Duon ac mae’n ddelfrydol ar gyfer darllenwyr ifanc hyderus sy’n mwynhau anturiaethau ffantasïol.

Mae Miles wrth ei fodd yn dringo coed wrth ei stad, ond mae Mr Buxton ei gymydog wastad yn gweiddi arno i stopio.

Mae yna gystadleuaeth hud yn y dref ac mae Lizzie, ei chi Lucky a’i ffrind Ted yn llawn cyffro i’w gweld. Bydd yr enwog Lady Azeena’n perfformio gyda’i chwningen Ruby – ac mae hi’n fyddar fel Lizzie, felly mae’r digwyddiad yn fwy arbennig byth. Ond, pan aiff Ruby ar goll, mae’n amser i Lizzie a Lucky ddatrys ambell gliw.

Mae Scientists are Saving the World yn llyfr lluniau gwreiddiol a deniadol iawn, yn tynnu sylw plant ifanc at amrywiaeth o wahanol fathau o wyddonwyr mewn fformat cyfeillgar a lliwgar.

Mae’r ychwanegiad pleserus hwn at y gyfres Little Gems yn llawn i’r ymylon â hiwmor, yn berffaith ar gyfer y rheini sy’n dechrau darllen ac wrth eu boddau’n chwerthin.

Llyfr gwirioneddol hyfryd ar gyfer egin darllenwyr, neu lyfr amser gwely ardderchog ar gyfer y rheini sydd eisiau rhywbeth fymryn mwy heriol na llyfr lluniau.