Blue, Barry & Pancakes: Beach Ball Bedlam

Am y llyfr hwn

Mae’r ffrindiau gorau Blue, Barry, a Pancakes yn byw mewn fflatiau ar wahân yn yr un tŷ pen coeden. Mae Blue yn llyfrbryf clyfar sy’n wych am siarad ieithoedd ac wrth ei fodd yn casglu pethau; mae Barry y broga yn ddyfeisiwr talentog ac wrth ei fodd yn tynnu llun; ac mae Pancakes y gwningen yn wych am chwarae chwaraeon a bob amser yn awyddus i gael antur. 

Mae’n ddiwrnod hyfryd, felly mae’r tri ffrind yn mynd i’r traeth. Wrth i Barry a Pancakes chwarae gyda phêl ysgafn Blue, mae morfil enfawr yn neidio allan o’r môr ac yn ei llyncu, gan wneud Blue yn gandryll. Diolch byth, ymhen dim mae Barry yn llunio cynllun i’w chael yn ôl: y cwbl y mae angen iddyn nhw ei wneud yw goglais y morfil fel y bydd yn agor ei geg, dringo i mewn, a gafael yn y bêl. 

Beth allai fynd o’i le? Yr hyn sy’n dilyn yw antur ddoniol a gwallgof yn cynnwys morwyr sy’n chwarae’r tiwba, mochyn sy’n hedfan, a hyd yn oed parti pwll nofio bodau o’r gofod. Ymhlith yr anhrefn, mae Blue yn sylweddoli nad oes dim yn bwysicach na ffrindiau - dim hyd yn oed pêl ysgafn a drysorir. 

Y nofel luniau liwgar hon am gael hwyl gyda ffrindiau da yw’r stori gyntaf mewn cyfres newydd ddifyr. Yn ddelfrydol ar gyfer darllenwyr amharod, mae lluniau doniol a bywiog drwy’r llyfr yn cynnig naratif gweledol difyr i ategu’r ychydig iawn o destun a swigod siarad.