Cefnogi’r gweithlu Gofal Cymdeithasol
Rydym yn gweithio gydag awdurdodau lleol, arweinwyr gofal cymdeithasol, ymarferwyr a gofalwyr i ymwreiddio darllen ar y cyd fel offeryn perthynol pwerus sy’n cefnogi ymlyniad, ymdeimlad o berthyn a lles plant.
Eddie plentyn: Pan rydyn ni’n darllen straeon gyda’n gilydd, mae’n gwneud i fi deimlo’n hapus ac yn gwneud i fi deimlo fy mod i’n cael fy ngharu. Mae’n bod yn rhan o’r teulu.
BookTrust troslias: I blant sydd wedi’u mabwysiadu, plant sydd mewn gofal maeth neu blant y mae perthynas yn gofalu amdanynt, gall darllen llyfr gyda’i gilydd fod yn brofiad llawen sy’n meithrin perthynas ddofn.
Rosie oedolyn: Pan rwyt ti’n darllen gyda mamgu, rwyt ti’n hoffi gwasgu dy hunan i mewn i fannau bach, on’d wyt ti?
Lola plentyn: Mae’n gwneud i mi deimlo’n gynhesach ac yn hapus.
Rosie oedolyn: Mae llyfrau yn dod â ni at ein gilydd. Maen nhw’n creu gofod tawel lle gallwn ni eistedd, lle nad oes unrhyw beth arall yn digwydd. Mae hynny’n gwneud Lola mor hapus.
BookTrust troslias: Mae llyfrau hefyd yn ein helpu i archwilio emosiynau yn ddiogel. I blant sydd wedi profi aflonyddwch a cholled, mae rhannu straeon yn dod â chysur a sefydlogrwydd.
Eddie plentyn: Mae fy hoff stori yn sôn am fwnci sydd wedi colli ei fam. Mae e’ yn y jyngl gyda llawer o greaduriaid sy’n ei helpu, ac yn y diwedd, mae’n dod o hyd iddi. Mae’n teimlo’n bwysig i fi.
BookTrust troslias: Pan fydd plant yn gweld eu hunain neu eu profiadau emosiynol yn cael eu hadlewyrchu mewn llyfr, mae hyn yn gwneud iddyn nhw deimlo eu bod yn perthyn ac yn cryfhau eu hymdeimlad o hunaniaeth.
Rosie oedolyn: Beth sy’n digwydd fan hyn?
Lola plentyn: Mae’r cyw yn hapus oherwydd bod Mr a Mrs Swan yn garedig iddo. Mae’r cyw eisiau anfon llythyr at ei fam – fel ei bod hi’n gwybod ei fod yn ddiogel a’u bod yn caru ei gilydd.
BookTrust troslias: Mae pob plentyn yn haeddu’r hawl i fod yn ddarllenydd. Mae BookTrust yn cefnogi plant, teuluoedd ac ymarferwyr i sicrhau bod darllen gyda’i gilydd yn rhan o fywyd bob dydd – gan ysgogi eiliadau o lawenydd a chysylltiad.
Debbie oedolyn: Fe ddes i â’r llyfr adref i Dora. Roedd e’n sôn am arwyr sydd ddim yn gwisgo clogynnau.
Fe edrychodd hi arna’ i, a dweud…
Dora plentyn: “Ond mae gen i arwr heb glogyn yn barod. Oherwydd ti ac Wncwl Alan yw fy arwyr i.”
BookTrust troslias: I ddarganfod mwy am sut mae BookTrust yn dod â’r llawenydd sy’n gysylltiedig â darllen ar y cyd i blant sydd mewn cysylltiad â’r system gofal cymdeithasol – ewch i booktrust.org.uk
Dysgwch fwy am sut mae rhannu darllen yn gallu bod yn arfer perthynol mewn gofal cymdeithasol plant
Mae’r animeiddiad Straeon sy’n Ein Cysylltu yn seiliedig ar sgyrsiau go iawn gyda phlant mewn gofal maeth, plant y mae perthnasau yn gofalu amdanynt, a phlant sydd wedi’u mabwysiadu, ac mae’n dangos i ni sut all rhannu llyfrau fod yn ffordd bwerus i blant feithrin perthnasoedd a chryfhau eu hymdeimlad o berthyn a hunaniaeth.
Straeon go iawn o Straeon sy’n ein cysylltu
Darllenwch neu gwrandewch i glywed mwy gan deuluoedd a rannodd eu straeon i’n helpu i greu’r animeiddiad pwerus hwn.
Rosie a Lola
Pan rydych chi’n teimlo’r bond yna ac yn gweld y mwynhad a’r cyffro y mae plentyn yn eu cael pan fydd rhywun yn darllen iddo, mae’n aros gyda chi am byth.
Rosie, Nana Lola
Luke ac Eddie
Mae’r llyfr yna yn fy atgoffa o’r diwrnod cyntaf ddes i yma ac yn disgrifio’r teimladau sydd gen i am fyw yma.
Eddie, yn siarad am y llyfr ‘Monkey Puzzle’
Debbie, Francis a Dora
Mae’r llyfrau cywir yn ei helpu i ddeall ei bywyd blaenorol ychydig yn well. Maen nhw’n ein helpu ni i allu siarad â hi am bethau sydd wedi digwydd.
Debbie, Modryb Dora
Mae’r gwaith hwn wedi bod yn bosibl diolch i gefnogaeth Sefydliad Mohn Westlake.
Ymchwil ar feithrin perthnasoedd ac ymlyniad
-
Mae’r briff hwn yn rhoi trosolwg o fewnwelediadau BookTrust ei hun ac ymchwil ehangach sy’n dangos bod darllen nid yn unig yn weithgaredd llythrennedd neu ddysgu, ond yn un perthynol hefyd.
Siaradwch â ni
Rhannwch eich manylion fel y gallwn ni siarad mwy am sut allwch chi ymwreiddio darllen ar y cyd yn eich sefydliad neu’ch awdurdod lleol. (Ffurf yn Saesneg)
Gallwch chi hefyd gysylltu â ni drwy e‑bost – [email protected]
Cofrestrwch am ein gweminar gyda Dr Lisa Cherry
-
Hear from Dr Lisa Cherry, members of BookTrust’s research team and Amy Salter at Sutton Virtual School for insights and practical solutions for using shared reading to support connection and belonging with children from vulnerable backgrounds.
Diweddariadau diweddaraf
-
This briefing provides insights into the role reading and sharing stories can play in kinship care families’ lives and the types of support they find most meaningful.
Sut allwn ni gefnogi timau gofal cymdeithasol
Mae ymchwil yn dangos bod darllen a rhannu straeon yn cefnogi meithrin perthnasoedd, sefydlogrwydd, hunaniaeth, lles, twf cymdeithasol ac emosiynol a chyrhaeddiad. Mewn sawl ffordd, gall darllen gael ei weld fel ffactor amddiffynnol rhag yr adfyd y mae rhai plant yn ei brofi.
Gall BookTrust roi cymorth arbenigol i sefydliadau sy’n gweithio gyda phlant a theuluoedd sydd mewn cysylltiad â’r system gofal cymdeithasol archwilio sut all darllen ar y cyd gael ei ddefnyddio i gefnogi lles plant a’u hymdeimlad o berthyn, a bod o fudd iddyn nhw yn ddiweddarach mewn bywyd.
Mae BookTrust wedi bod yn gweithio yn y maes hwn ers dros 20 mlynedd, ac mae’n cyrraedd 10,000 o blant mewn gofal maeth bob blwyddyn trwy ei raglen Clwb Blwch Llythyrau. Mae tystiolaeth gref o’r effaith y mae’r rhaglen yn ei chael ar les plant, eu hymdeimlad o berthyn a’r mwynhad y maen nhw’n ei gael o ddarllen. Trwy ein partneriaeth â Kinship a thimau awdurdodau lleol, rydym wedi darparu llyfrau, ynghyd â gwybodaeth, cyngor a chymorth, i dros 1,000 o deuluoedd gofalwyr sy’n berthynas.
Rydym yn partneru â sefydliadau ac ymarferwyr sy’n gweithio gyda theuluoedd bob dydd. Mae ein rhaglenni yn hawdd eu cynnwys yn y cymorth ehangach a gynigir i gynyddu cyfleoedd bywyd plant o gefndiroedd teuluoedd sy’n agored i niwed, ac i ddod â llawenydd, cysur ac antur i’w bywydau.
-
Yn BookTrust, rydym yn darparu cymorth i deuluoedd gofalwyr sy’n berthynas, y gall ein partneriaid awdurdod lleol, gan gynnwys ysgolion rhithwir, ei ddefnyddio fel rhan o’u cynnig gofal gan berthynas lleol. (Saesneg yn unig)
Rhaglenni darllen i ddechrau arni
Darganfyddwch fwy am Story Explorers a’r Clwb Blwch Llythyrau.
-
Gwasanaeth tanysgrifio llyfrau ar gyfer plant 1–4 oed sy’n ymwreiddio rhannu straeon gartref i gryfhau perthnasoedd ac ymlyniad i deuluoedd maeth, teuluoedd gofalwyr sy’n berthynas a theuluoedd mabwysiadol. Saesneg yn unig.
-
Ymunwch â channoedd o ysgolion ac awdurdodau lleol sy’n defnyddio’r Clwb Blwch Llythyrau i ddod â hud darllen a rhifedd i ddysgwyr premiwm disgyblion a dysgwyr bregus 3–13 oed. Saesneg yn unig.