Wildful

Am y llyfr hwn

Mae hon yn nofel luniau anhygoel o hardd a gwirioneddol unigryw ag ychydig iawn o eiriau. 

Mae merch yn mynd allan gyda’i chi ac yn rhy brysur i gychwyn yn syllu ar ei ffôn, â’i chlustffonau yn ei chlustiau, tra bod ei chi yn dechrau sylwi ar fywyd gwyllt ac yn ei thynnu i ddarn o dir gwastraff i ddilyn llwynog. Mae’r ci yn tynnu mor galed ei bod yn gollwng y tennyn ac mae’n rhedeg i ffwrdd. 

Wrth iddi redeg ar ôl y ci, mae’r ferch yn dechrau sylwi ar ei hamgylchedd ac mae’n dod o hyd i’w chi o’r diwedd gyda bachgen tua’r un oed â hi. Pan fydd y ferch yn cyrraedd adref, rydym ni’n cyfarfod ei mam, sy’n byw gydag iselder.

Y diwrnod nesaf, mae’r ferch yn dychwelyd i’r fan agored ac mae’r bachgen yn ei helpu i wir weld y bywyd gwyllt cyfoethog, yn yr union fan honno ar ddarn o dir gwastraff – y gwiwerod, yr adar, y coed, y blodau, y rhedyn ymledol – ac mae’n teimlo fel lle hudol ar ôl i chi ddechrau edrych.  

Mae hwn yn chwyldro bach tawel o lyfr, wedi’i lunio a’i ddylunio mor hyfryd, darn o waith celf go iawn. Mae grym natur i wella ac adfywio yn thema ganolog, wrth i Mam gael ysbrydoliaeth i ddechrau mwynhau bywyd eto. 

A'r gobaith yw y bydd plant sy’n ei ddarllen yn cael eu hysbrydoli hefyd, i gymryd sylw o’n byd hardd hyd yn oed os ydyn nhw’n byw yng nghanol dinas; i weld bod bywyd gwyllt yn tawelu’r meddwl.