Jakub’s Otter

Am y llyfr hwn

Mae’r bachgen 10 oed Jakub yn ofalwr am ei fam, sy’n dioddef o sglerosis ymledol. Un haf, mae’n gadael ei fam gyda’i fodryb ac yn mynd ar wyliau i’r Eidal gyda ffrindiau i’r teulu, y Koniks. Mae eu merch Marta yn ei blagio braidd, ac mae’n poeni am ei fam.

Ond pan fydd y maglwr lleol, Signor Mancini, yn dangos dyfrgi wedi’i anafu y mae angen ei fwydo iddo, mae Jakub yn darganfod pwrpas newydd. Ac yn araf bach mae’n dysgu i ymlacio, ac i agor i’r posibilrwydd o gyfeillgarwch gyda Marta.  

Wedi’i hadrodd gan Jakub yn bennaf, mae’r stori hon wedi’i britho â cherddi a ysgrifennwyd gan Marta, ac mae’n addfwyn ond yn gymhellol. Hon yw’r nofel ryddiaith gyntaf gan y bardd Coral Rumble ac mae’n llawn empathi a charedigrwydd. Mae’n taflu goleuni ar y baich sydd ar rai plant pan fyddant yn ofalwyr am aelodau o’u teulu.

Mae Jakub hefyd yn fewnfudwr cymharol ddiweddar i’r DU o Wlad Pwyl, sy’n ychwanegu dimensiwn arall at ei brofiadau o geisio dod i ben - yn yr ysgol a gartref. Llyfr twymgalon, nid i’r rhai sy’n hoff o anifeiliaid yn unig, a stori a fyddai’n hybu empathi.