Land of the Last Wildcat

Am y llyfr hwn

Fel llawer o’r straeon gorau, mae hon yn cychwyn gyda pharsel a nodyn. Y tu mewn i’r parsel ceir ffosil sydd, yn ôl pob tebyg, yn bŵ Cwri, mae Puffin yn penderfynu. 

Merch 10 oed yw Puffin Lau, sydd ag obsesiwn â’r Cwri, cath wyllt chwedlonol Ynys Linger. Mae ei mam o Bortiwgal yn wyddonydd ac fel rheol i ffwrdd yn gwneud gwaith ymchwil ac mae ei thad o Tsieina wedi marw (o dan amgylchiadau anesboniadwy), felly mae’n byw’n bennaf gyda Grandad Moe a’i ffrind gorau Lance, sy’n blentyn amddifad. 

Mae eu bywydau wedi’u cysylltu’n agos ag Amgueddfa Linger, a sefydlwyd gan ei mam. Ond yna mae Puffin yn dod o hyd i Gwri byw yn yr amgueddfa. Mae pennaeth ei mam, y dyn drwg clasurol Mr Smoult, eisiau arbrofi ar y Cwri a darganfod sut i gael gafael ar ei rym iachau. 

Beth all Puffin a Lance ei wneud i’w achub, ac a allan nhw ymddiried ym Mam i’w helpu mewn gwirionedd? A beth yn union yw’r cysylltiad rhwng Puffin a’r Cwri beth bynnag?  

Mae dirgelwch ac antur hudolus a chyffrous yn datblygu gyda digwyddiadau annisgwyl a throeon yr holl ffordd. Ceir dewrder gwirioneddol yma, ac yn y bôn mae gan y llyfr hwn neges ecolegol: stori am sut y gall pobl a natur fyw law yn llaw er budd pawb. 

Mae’n hawdd ei ddarllen ac yn ddoniol hefyd, er gwaethaf themâu difrifol. Ac yn y diwedd un rydym yn darganfod ychydig mwy am y ffosil yna yn y parsel!