How to be Disabled and Proud

Am y llyfr hwn

Rydych chi’n berson gwych a rhyfeddol ac rydych chi’n perthyn yn y byd yn union fel yr ydych chi.  

Mae’r datganiad hwn yn crynhoi tôn y llyfr gwresog a chyfeillgar hwn a fydd yn taro tant gyda phob plentyn anabl, ond hefyd unrhyw blentyn (neu oedolyn) sydd eisiau deall a bod yn gynghreiriad. 

Wedi’i ysgrifennu gan newyddiadurwr anabl, ac yn trafod pynciau bob dydd gan gynnwys yr ysgol, bwlio, y glasoed, cyfeillgarwch, a meddygon ac ysbytai, mae hwn yn ganllaw defnyddiol ac ymarferol ar dyfu i fyny - a dim ond bodoli - fel person anabl. 

Nid yw Cathy Reay yn gwingo rhag yr anawsterau y gallai pobl anabl eu hwynebu yn ein cymdeithas, ac mae’n cynnig awgrymiadau ar gyfer wynebu’r heriau hyn. Ceir llawer o negeseuon cadarnhaol yn y tudalennau hyn hefyd, trwy gyfweliadau gyda phobl sydd wedi byw trwy brofiadau a theimladau tebyg, ac o’r mantra sy’n cael ei ailadrodd mai cymdeithas sydd angen newid, nid pobl anabl. Rydych chi’n wych yn union fel yr ydych chi.  

Yn ogystal ag esbonio ymadroddion a hunaniaethau drwy’r llyfr, ceir geirfa yn y cefn yn ogystal â rhestrau o lyfrau anhygoel a sefydliadau ac adnoddau cynorthwyol. Mae Reay yn siarad â’r darllenydd ifanc yn uniongyrchol, gan rannu gwybodaeth a chyngor mewn ffordd sy’n briodol i’w hoed. Llyfr ymarferol a grymusol.