Welsh Wonders: Betty - The Determined Life of Betty Campbell
gan Nia Morais, darluniau gan Anastasia Magloire
Oedran diddordeb: 8 i 9
Oedran darllen: 8+
Cyhoeddwr Llyfrau Broga, 2023
Am y llyfr hwn
Y llyfr diweddaraf o'r gyfres 'Enwogion o Fri' yw hwn sydd yn adrodd hanes y brifathrawes ddu gyntaf yng Nghymru, Betty Campbell. Mae'r awdur yn ein tywys o'i bywyd cynnar yn nociau Caerdydd i'r uchafbwynt o gael codi ei cherflun yng nghanol y brifddinas.
Yr awdur y tro hwn, yw Nia Morais, sef y Bardd Plant Cymru newydd. Yn y llyfr hwn mae hi'n defnyddio dull syml a chryno sydd yn berffaith ar gyfer cyfleu gwybodaeth gymhleth i ddarllenwyr ifanc.
Heb os, mae'r llyfr yn ddathliad o'r dygnwch a dewrder a ddangosodd Betty Campbell yn ystod ei bywyd ac mae'n stori bwysig i blant ei darllen a'i chlywed.
