Dance Just Like So!

Am y llyfr hwn

Mae’r ddiwrnod dosbarth dawnsio ac mae Kwesi wrth ei fodd pan fo Gran yn cyhoeddi ei bod yn mynd i addysgu ei dawns arobryn, y Shooby-Doo-Mambo. 

Mae eu cymdogion Eva, Tunde, a Miss Ghaderi i gyd yn ymuno yn yr hwyl wrth i Gran ddangos iddyn nhw’n frwd sut i ysgwyd, fflapio, dawnsio’r cha-cha, troelli, a chlapio, yn union fel hyn! Ond pan fo Gran yn cwympo ac yn brifo ei phen-glin, mae’r dawnsio yn dod i ben yn sydyn. Tra bo Gran yn gorffwyso, does dim cerddoriaeth na dawnsio, ac mae Kwesi yn teimlo’n ddigalon. 

Er bod Gran yn annog Kwesi i ymarfer y camau fel y gall addysgu’r dosbarth, nid yw'r un fath heb Gran wrth ei ochr. Yna, mae’n cael syniad gwych ac yn coreograffu rhai symudiadau arbennig iawn i sicrhau bod Gran yng nghanol pethau unwaith eto. Mae’r llyfr lluniau bywiog hwn yn llawn darluniadau dynamig sy’n dod â’r stori’n fyw. 

Mae dillad kente lliwgar Gran, deunydd Ghanaidd traddodiadol, yn ychwanegu patrwm a lliw, tra bod nodau cerddorol yn troelli o gwmpas y tudalennau, gan greu digonedd o symudiad. Yn ogystal â dathlu pleser dawnsio, mae’r stori hefyd yn archwilio’r berthynas ryng-genhedlaeth deimladwy rhwng nain a phlentyn (sy’n byw gyda’i gilydd heb i unrhyw rieni gael eu dangos na’u crybwyll).