Call Me Lion

Am y llyfr hwn

Yn brin o ffrindiau, mae Leo, sy’n ddeg oed, yn treulio’i haf unig yn ymarfer y peth y mae’n ei garu fwyaf: dawnsio.

Yna mae’n cyfarfod â’i gymdoges newydd. Yn hyderus a siaradus, mae Richa yn bopeth nad ydy Leo, ond daw’r ddau yn ffrindiau yn syth bin. Yr unig her ydy bod gan Leo fudandod dethol, ac mae’n methu siarad ag unrhyw un y tu allan i’w deulu agosaf. Diolch byth, dydy hynny’n poeni dim ar Richa ac mae hi’n ddawnswraig frwd hefyd, felly mae’r ddau yn gweddu i’w gilydd i’r dim. Daw i’r fei hefyd ei bod hi’n brwydro â’i chyfrinach ei hun...

Hanesyn hyfryd am orchfygu unigrwydd, herio’r bwlis, gorchfygu ofnau a dod o hyd i wir gyfeillgarwch.