Ti a Dy Gorff

Am y llyfr hwn

Mae creu llyfr ffeithiol sydd hefyd yn gwneud i blant chwerthin yn dipyn o her ond dyna’n union mae Adam Kay wedi llwyddo i’w wneud yn y llyfr hwn. Mae addasiad Eiry Miles yn gwneud cyfiawnhad â’r gwreiddiol ac yn llwyddo i gyfleu arddull unigryw Kay.  Mae’r awdur yn tywys y darllenydd o amgylch y corff gan rannu pob math o ffeithiau. Mae’n amlwg yn adnabod ei ddarllenydd felly mae digonedd o ffeithiau ffiaidd rhwng y cloriau yma! Trwy gyfuniad o arddull doniol a darluniau Henry Parker, mae’r llyfr yn gwneud darllen am bwnc cymhleth yn brofiad hwyliog.

Dyma destun bydd yn tanio diddordeb ar draws y cwricwlwm ond yn enwedig ym meysydd: Gwyddoniaeth a Thechnoleg, Ieithoedd, Llythrennedd a Chyfathrebu, Iechyd a Lles.