The Beck

Am y llyfr hwn

Pan fo Kyle yn cael ei orfodi i dreulio’r dydd gyda’i daid ecsentrig, mae’n deg dweud ei fod yn dechrau mewn ffordd annisgwyl (yn cynnwys wig, hanner rhôl selsig, a chi â thair coes o’r enw Rude Word). Ond pan ddangosir y nant ar waelod yr ardd iddo, mae Kyle yn cael ei gyfareddu gan y natur y mae’n ei ddarganfod yn y ddyfrffordd fach. 

Mae’r pâr yn magu perthynas wedi’i seilio ar genhadaeth ecolegol i amddiffyn eu nant rhag datblygwyr, cenhadaeth y mae’n rhaid i Kyle ei chyflawni ar ei ben ei hun ar ôl i’w daid fynd yn ddifrifol wael. Ar hyd y ffordd, mae’n magu hyder, yn llywio cyfeillgarwch â gwahanol bobl, ac yn datrys tensiynau teuluol sydd o dan yr wyneb. Mae’r stori rymus hon gan enillydd gwobr Carnegie Anthony McGowan yn eich cysylltu â’i chymeriadau yn syth. Mae’r dynamig rhwng Kyle a’i daid anniddig sydd â thafod miniog yn nerth ac yn eithriadol o ddoniol - byddwch yn eich dwblau yn chwerthin ar angladd y wig! 

Ynghyd â’i hiwmor, dylid nodi bod y llyfr hwn yn trafod pynciau difrifol mewn modd sensitif, gan gynnwys golygfa lle mae Kyle yn darganfod ei daid ar ôl iddo ddioddef strôc. Ceir disgrifiadau o fwlio hefyd ac un neu ddau o achosion o regi ysgafn. Mae fformatio ystyriol o ddyslecsia Barrington Stoke a hyd byrrach y llyfr yn ei wneud yn berffaith ar gyfer myfyrwyr ysgol uwchradd ag oedran darllen iau.