Next to Alice

Am y llyfr hwn

Pan mae’n rhaid iddo eistedd nesaf at Alice yn y dosbarth, dydy Ben ddim yn hapus. Mae Alice yn codi ofn arno. Cyn hir mae Alice yn tynnu sylw at ei dynnu llun blêr a’i lawysgrifen traed brain. Ond pan mae Ben yn meddwl am y pethau y mae Alice wedi’u dweud ac yn gwneud ychydig o newidiadau, mae’n falch o’r canlyniadau. Ac yna mae ‘n cael cyfle i fynd yn ôl i’w hen sêt. Fydd e’n mynd yn ôl?

Ychydig iawn o awduron sy’n llwyddo i ddal deinamig dosbarth cystal ag Anne Fine, a bydd plant yn adnabod yr isgerhyntau cynnil. Mae yna hiwmor tawel yn y stori a chyflwynir y neges bod angen ymdrechu i weld gwelliannau yn gynnil.