Hanes fy Hynodrwydd

Am y llyfr hwn

Wrth iddi fentro i’w harddegau mae popeth ym myd Miri’n newid. Mae ysgol uwchradd yn golygu ffrindiau newydd ac athrawon newydd. Er cefnogaeth ei theulu mae Miri, sy’n awtistig, yn ffeindio’r holl newidiadau yn heriol. Mae’n ymddangos bod pethau’n gwella ar ôl iddi wneud ffrind newydd a phrofi cyfeillgarwch go iawn am y tro cyntaf. Mae hi hefyd yn darganfod ei thalent am actio. Ond mae’r cyfeillgarwch newydd ac awydd Miri i dyrchu i hanes gwallgofdy Fictoraidd lleol yn arwain at heriau nad yw hi wedi eu profi o’r blaen. Ond trwy drechu’r heriau newydd hyn daw Miri i adnabod ei hynodrwydd ei hun. Dyma lyfr llawn antur ac emosiwn sydd yn atgoffa’r darllenydd bod mwy nag un ffordd i weld a phrofi’r byd.