Grimstink

Am y llyfr hwn

Mae Grimstink, mab Grimstink, wedi teithio 90,000 o flynyddoedd goleuni i ddifa’r holl fywyd ar y Ddaear. O wneud hynny, mae wedi cyfnewid lleoedd â’r ferch dair ar ddeg oed Layla Tenby, sydd wedi cael ei chludo i blaned estron, lle mae peli metel sy’n hedfan yn saethu laserau ati. 

Mae’n rhaid i’r ddau gadw’n fyw yn y lleoedd newydd rhyfedd hyn. Wrth lwc, mae Grimstink yn gallu meddwl yn gyflym. Trwy alw ei hun yn ‘Ed Sheeran’, a sicrhau brawd iau Layla, Reece, fel cynorthwyydd, mae’n rhaid i’r bod o’r gofod greu porth rhwng y planedau, caniatáu i’r holl fotiau lladd drwyddo a lladd popeth ar y Ddaear. 

Yn gyntaf, y cwbl y mae’n rhaid iddo ei wneud yw dod i arfer â gwisgo dillad, ymweld â chartref hen bobl ac archebu brechdan yn Subway. Yn y cyfamser, mae’n rhaid i Layla ddianc oddi wrth y botiau lladd ac wynebu anghenfil estron grymus, drwg. A all hi atal dinistriad yr alaeth? 

A wnaiff hi byth gyrraedd adref? Ac a wnaiff Grimstink, mab Grimstink, wir ddinistrio’r Ddaear - a’i ffrind newydd? Bydd y stori hynod ddoniol hon yn gwneud i ddarllenwyr chwerthin yn uchel. Mae bob amser yn hwyl pan fo’r darllenydd yn gwybod mwy na’r cymeriad (er enghraifft, beth yw swyddog traffig), ac mae ganddo blot cyflym hefyd. Mae llawer i’w fwynhau, yn ogystal â thema cyfeillgarwch i fyfyrio arno. Llawer o hwyl.