Ella Jones vs the Sun Stealer

Am y llyfr hwn

Mae’r ferch 12 oed Ella Jones wedi bod yn ddall ers dwy flynedd, yn addasu i fywyd gyda chymorth ei chi tywys, Maisie. A phan fydd duw paganaidd dialgar yn rhoi pawb mewn tywyllwch, mae’n rhaid i Ella achub y byd.

Nid oes angen unrhyw uwch-bwerau arni, dim ond ei phrofiad o symud o gwmpas heb olau gyda’i chi ffyddlon. Mae’n rhaid i Ella a Maisie deithio ar draws Llundain, gyda chwaer Ella, Poppy a’i ffrind gorau Finn, yn dod o hyd i’r ffordd o drechu’r Lugh grymus. Ond mae llawer o beryglon yn eu disgwyl yn y tywyllwch...

Aeth Lucy Edwards ei hun yn ddall yn 17 oed, ac mae’n ymgyrchydd llafar a gweithredol dros bobl anabl. Mae wedi ysgrifennu’r llyfr hwn gyda’r awdur llwyddiannus Katy Birchall ac mae’r cyfuniad o brofiad bywyd, plot lle mae llawer yn y fantol a manylion cymhellol yn creu stori afaelgar.

Mae Ella yn ferch 12 oed normal, yn delio â materion ysgol a chyfeillgarwch, sy’n ei gwneud yn arwres y gellir uniaethu â hi. Mae rhan ohoni yn gobeithio y bydd y cyfnod hwn o dywyllwch i bawb yn arwain at newidiadau i hygyrchedd a’r ffordd y mae’n cael ei thrin.

Mae straeon fel hyn yn cynnig cyfle i ddarllen am safbwynt rhywun arall, gan alluogi pob darllenydd i ddatblygu empathi.